മനാമ: കാപിറ്റൽ ഗവർണറേറ്റിന് കീഴിൽ കർബാബാദ് തീരം ശുചീകരിച്ചു. ബഹ്റൈൻ തലബാത് കമ്പനിയുമായി സഹകരിച്ച് നടത്തിയ യജ്ഞത്തിൽ 200 ജീവനക്കാരും സന്നദ്ധ പ്രവർത്തകരും അണിനിരന്നു. തീരപ്രദേശങ്ങളുടെ ശുചിത്വം ഉറപ്പുവരുത്താൻ കാപിറ്റൽ ഗവർണറേറ്റ് സംഘടിപ്പിച്ച കാമ്പയിന്റെ ഭാഗമായിട്ടായിരുന്നു ശുചീകരണം.
വിവിധതരം മാലിന്യം ശേഖരിക്കുകയും അവ സംസ്കരിക്കാനായി ക്ലീനിങ് കമ്പനിക്ക് കൈമാറുകയും ചെയ്തു. മനാമ ഹെൽത്ത് സിറ്റി, ഹരിത തലസ്ഥാനം എന്നീ പദ്ധതികളുടെ ഭാഗമായാണ് പരിപാടി സംഘടിപ്പിച്ചതെന്ന് കാപിറ്റൽ ഗവർണറേറ്റ് ഇൻഫർമേഷൻ ആൻഡ് ഫോളോ അപ് കാര്യ ഡയറക്ടർ യൂസുഫ് ലോറി വ്യക്തമാക്കി. സാമൂഹിക ഉത്തരവാദിത്തം, ശുചിത്വ അവബോധം, സന്നദ്ധ സേവന സംസ്കാരം എന്നിവ വളർത്താനും ഇത്തരം കാമ്പയിനുകൾ ഉപകരിക്കുമെന്ന് അദ്ദേഹം കൂട്ടിച്ചേർത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.