വീൽ ചെയറുകൾ കൈമാറുന്ന ചടങ്ങിൽനിന്ന്
മനാമ: ഇന്ത്യൻ യൂത്ത് കോൺഗ്രസിന്റെ ഇന്റർനാഷനൽ സെൽ ആയ ഐ.വൈ.സി ഇന്റർനാഷനൽ ബഹ്റൈൻ ചർക്കയുമായി സഹകരിച്ച് ഇലക്ട്രിക് വീൽ ചെയർ കൈമാറി.
സന്നദ്ധ സംഘടനയായ ചർക്ക അർഹരായ 25 പേർക്ക് ഇലക്ട്രിക് വീൽ ചെയർ നൽകുന്ന പദ്ധതിയിലേക്കാണ് ഐ.വൈ.സി ബഹ്റൈൻ ഒരു വീൽ ചെയർ നൽകിയത്. പട്ടാമ്പിയിൽ നടന്ന ചടങ്ങിൽ വീൽ ചെയറുകൾ പ്രതിപക്ഷ നേതാവ് വി.ഡി സതീശൻ അർഹരായവർക്ക് സമർപ്പിച്ചു.
ചർക്ക ചെയർമാൻ റിയാസ് മുക്കോളി, നജീബ് കാന്തപുരം എം.എൽ.എ, മുൻ എം.എൽ.എമാരായ സി.പി മുഹമ്മദ്, വി.ടി ബൽറാം,ഐ.വൈ.സി ബഹ്റൈൻ ചെയർമാൻ നിസാർ കുന്നംകുളത്തിങ്ങൽ, കോൺഗ്രസ് നേതാക്കളായ സി. സംഗീത, ഉണ്ണി, കെ .ആർ നാരായണ സ്വാമി തുടങ്ങിയ നേതാക്കളും കൂടാതെ ആയിരക്കണക്കിന് ആളുകളും പങ്കെടുത്തു. ഈ പദ്ധതിയുമായി സഹകരിച്ചതിന് ഐ.വൈ.സി ബഹ്റൈനിനുള്ള ചർക്കയുടെ ആദരം ഐ.വൈ.സി ബഹ്റൈൻ ചെയർമാൻ നിസാർ കുന്നംകുളത്തിങ്ങൽ ഏറ്റുവാങ്ങി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.