ഇന്ത്യൻ സ്‌കൂൾ മോഡൽ യുനൈറ്റഡ് നേഷൻസ് കോൺഫറൻസിന് ചെയർമാൻ അഡ്വ. ബിനു മണ്ണിൽ വർഗീസ് ദീപം തെളിക്കുന്നു
മനാമ: വിദ്യാർഥികളിൽ നേതൃപാടവവും ആശയ വിനിമയ പ്രാവീണ്യവും പരിപോഷിപ്പിക്കുന്ന ഇന്ത്യൻ സ്‌കൂൾ മോഡൽ യുനൈറ്റഡ് നേഷൻസ് കോൺഫറൻസിന് ഇസാ ടൗൺ കാമ്പസിൽ തുടക്കമായി. ദ്വിദിന സമ്മേളനത്തിന് ഇന്ത്യൻ സ്‌കൂൾ ചെയർമാൻ അഡ്വ. ബിനു മണ്ണിൽ വർഗീസ് ദീപം തെളിച്ചു.
സ്‌കൂൾ സെക്രട്ടറി വി. രാജപാണ്ഡ്യൻ, അസി.സെക്രട്ടറി രഞ്ജിനി മോഹൻ, ഭരണസമിതിയംഗം മുഹമ്മദ് നയാസ് ഉല്ല, പ്രിൻസിപ്പൽ വി.ആർ. പളനിസ്വാമി, ജൂനിയർ വിങ് പ്രിൻസിപ്പൽ പമേല സേവ്യർ, അക്കാദമിക് അഡ്മിനിസ്‌ട്രേഷൻ വൈസ് പ്രിൻസിപ്പൽ ജി. സതീഷ് , മിഡിൽ സെക്ഷൻ വൈസ് പ്രിൻസിപ്പൽ ജോസ് തോമസ്, ജൂനിയർ വിങ് വൈസ് പ്രിൻസിപ്പൽ പ്രിയ ലാജി, എം.യു.എൻ ഡയറക്ടർ ഛായ ജോഷി എന്നിവർ സന്നിഹിതരായിരുന്നു.
ആതിഥേയരായ ഇന്ത്യൻ സ്‌കൂൾ, ന്യൂ മില്ലേനിയം സ്‌കൂൾ, സേക്രഡ് ഹാർട്ട് സ്‌കൂൾ, ന്യൂ ഇന്ത്യൻ സ്‌കൂൾ, ബഹ്‌റൈൻ ഇന്ത്യൻ സ്‌കൂൾ, ഏഷ്യൻ സ്‌കൂൾ, അൽ നൂർ ഇന്റർനാഷനൽ സ്‌കൂൾ, അൽ ഹെക്മ ഇന്റർനാഷനൽ സ്‌കൂൾ, ഇബ്‌ൻ അൽ ഹൈതം ഇസ്‌ലാമിക് സ്‌കൂൾ എന്നിവിടങ്ങളിൽനിന്ന് രണ്ട് ദിവസത്തെ സമ്മേളനത്തിൽ 350 ഓളം പ്രതിനിധികൾ പങ്കെടുക്കുന്നു.
വിവിധ രാജ്യങ്ങളെ പ്രതിനിധീകരിച്ച് ആഗോള പ്രശ്നങ്ങൾ ചർച്ച ചെയ്യുന്ന കോൺഫറൻസ് പൂർണമായും ആസൂത്രണം ചെയ്യുന്നത് വിദ്യാർഥികളാണ് . ദേശീയ ഗാനത്തോടെ പരിപാടികൾ ആരംഭിച്ചു. സംഘാടക സമിതി പ്രതിനിധികളായ ലക്ഷ്മി സുധീർ, ഭദ്ര ശ്രീകുമാർ എന്നിവർ സ്വാഗതം പറഞ്ഞു. സെക്രട്ടറി ജനറൽ ജുമൈന ജുനൈദ് സമ്മേളനത്തിന്റെ ആരംഭ പ്രഖ്യാപനം നടത്തി. അനുമോദന പ്രസംഗത്തിൽ വിദ്യാർഥികളുടെ വിമർശനാത്മക ചിന്തകൾ, നേതൃപരമായ കഴിവുകൾ എന്നിവ സമ്പന്നമാക്കാൻ സമ്മേളനം സഹായിക്കുമെന്ന് അഡ്വ. ബിനു മണ്ണിൽ വർഗീസ് പറഞ്ഞു. തുടർന്ന് യു.എൻ നയതന്ത്ര ശൈലിയിൽ വിദ്യാർഥികൾ അവരവരുടെ കൗൺസിലുകളിലെ പ്രശ്നങ്ങൾ ചർച്ച ചെയ്യാനായി പിരിഞ്ഞു. ശനിയാഴ്ച സമാപന സമ്മേളനത്തിൽ ഓരോ കൗൺസിലിലും മികവ് തെളിയിച്ച പ്രതിനിധികൾക്ക് വിവിധ അവാർഡുകൾ വിതരണം ചെയ്യും.
സംഘാടക സമിതി ഭാരവാഹികളായ ജുമൈന ജുനൈദ് (സെക്രട്ടറി ജനറൽ), സാൻവി ഷെട്ടി (ഒസി സ്റ്റുഡന്റ് ഡയറക്ടർ), ഫാത്തിമ നലിം (ആർ ആൻഡ് ടി സ്റ്റുഡന്റ് ഡയറക്ടർ), ആരാധ്യ പ്രദീപ് (ഫിനാൻസ് ആൻഡ് സ്പോൺസർഷിപ് ), ദക്ഷ് ജോഷി (ലോജിസ്റ്റിക്സ് ), സൗദ് അർഷിയാൻ (ഹോസ്പിറ്റാലിറ്റി ), ഗോപു അജിത് (മീഡിയ), അലൻ അഭിഷേക് (ഡിസൈൻ ), ഭദ്ര ശ്രീകുമാർ (പബ്ലിക് റിലേഷൻസ് ), അഷ്ടമി ശങ്കർ (സെക്യൂരിറ്റി ), നിഹാരിക സർക്കാർ (ഹോസ്പിറ്റാലിറ്റി ആൻഡ് ലോജിസ്റ്റിക്സ് ) , ദർശന (പബ്ലിക് റിലേഷൻസ് ), മിഷ്ക പ്രീതം (സെക്യൂരിറ്റി ), ലക്ഷ്മി സുധീർ (ട്രെയിനിങ് ) , തൻമയ് രാജേഷ് (ഗവേഷണം ), ഫ്ലോറൻസ പെരിയേര (നടപടിക്രമം ), അദ്വൈത് ഹരീഷ് (റിസർച്), റെബേക്ക ആൻ ബിനു (ട്രെയിനിങ്) എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.