മനാമ: സി.ബി.എസ്.ഇ പന്ത്രണ്ടാം ക്ലാസ് പരീക്ഷയിൽ ഇബ്ൻ അൽ ഹൈതം ഇസ്ലാമിക് സ്കൂളിന് നൂറുശതമാനം വിജയം. 112 വിദ്യാർഥികളാണ് സ്കൂളിൽനിന്ന് പരീക്ഷ എഴുതിയത്. സയൻസ് സ്ട്രീമിൽ 41 പേരും കോമേഴ്സിൽ 71 പേരും വിജയിച്ചു.
സയൻസ് സ്ട്രീമിൽ സഇൗബ സിത്താര സുബൈർ 95.60 ശതമാനം മാർക്കോടെ സ്കൂളിൽ ഒന്നാമതെത്തി. മുഹമ്മദ് സാലിഹ് 95.40 ശതമാനം മാർക്കോടെ രണ്ടാം സ്ഥാനം നേടി. കോമേഴ്സ് സ്ട്രീമിൽ. ഫാത്തിമ വഫ 95.80 ശതമാനം മാർക്കോടെ ഒന്നാം സ്ഥാനവും സഹ്റ ദാവൂദ് മൊഹ്സൻ അബ്ദുല്ല അലി 93.80 ശതമാനം മാർക്കോടെ രണ്ടാം സ്ഥാനവും നേടി.
മികച്ച വിജയം നേടിയ വിദ്യാർഥികളും രക്ഷിതാക്കളും അഡ്നിസ്ട്രേറ്റിവ് കമ്മിറ്റി ചെയർമാൻ ഷക്കീൽ അഹമ്മദ് അസ്മിയും പ്രിൻസിപ്പൽ ഡോ. മുഹമ്മദ് ത്വയ്ബും അഭിനന്ദിച്ചു. എല്ലാ പിന്തുണയും നൽകിയ അധ്യാപകർക്കും മാനേജ്മെൻറിനും അവർ നന്ദി രേഖപ്പെടുത്തുകയും ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.