തണൽ സി.എച്ച് സെന്റർ ഡയാലിസിസ് സെന്ററിനുള്ള തുക എൻ.കെ. മൂസ ഹാജിയിൽനിന്ന് ഷുഹൈബ് കുന്നത്ത് സ്വീകരിക്കുന്നു
മനാമ: ഏറാമല ഗ്രാമപഞ്ചായത്ത് വികസനത്തിൽ മുന്നേറ്റമുണ്ടാക്കിയെന്ന് ഗ്രാമപഞ്ചായത്ത് വൈസ് പ്രസിഡന്റ് ഷുഹൈബ് കുന്നത്ത് പറഞ്ഞു.
പ്രദേശത്ത് സാമൂഹിക, സാംസ്കാരിക, വിദ്യാഭ്യാസ, ആരോഗ്യ, ശുചിത്വ, പാർപ്പിട, പാശ്ചാത്യ മേഖലകളിലെല്ലാം വലിയ മാറ്റം ഉണ്ടാക്കാൻ സാധിച്ചുവെന്നും അദ്ദേഹം പറഞ്ഞു. ബഹ്റൈൻ സന്ദർശനത്തിനെത്തിയ ഷുഹൈബ് കുന്നത്തിന് ഏറാമല പഞ്ചായത്ത് ബഹ്റൈൻ കെ.എം.സി.സി നൽകിയ സ്വീകരണത്തിൽ സംസാരിക്കുകയായിരുന്നു അദ്ദേഹം. സ്വീകരണ പരിപാടി ബഹ്റൈൻ മറാസീൽ ഗ്രൂപ് മാനേജിങ് ഡയറക്ടർ പി.പി. കുഞ്ഞമ്മദ് ഉദ്ഘാടനം ചെയ്തു.
ഓർക്കട്ടേറി തണൽ സി.എച്ച് സെന്റർ ഡാലിസിസ് സെന്ററിന് ഒരു ഡയാലിസിസ് മെഷീൻ നൽകിക്കൊണ്ട് ബഹ്റൈൻ കെ.എം.സി.സി ഏറാമല പഞ്ചായത്ത് കമ്മിറ്റി പ്രവർത്തണോദ്ഘാടനവും എൻ.കെ മൂസ ഹാജിയിൽനിന്ന് ഫണ്ട് സ്വീകരിച്ച് ഏറാമല ഗ്രാമപഞ്ചായത്ത് വൈസ് പ്രസിഡന്റ് ഷുഹൈബ് കുന്നത്ത് നിർവഹിച്ചു.
ബഹ്റൈൻ കെ.എം.സി.സി ഏറാമല പഞ്ചായത്ത് പ്രസിഡന്റ് സി.കെ ഉസ്മാൻ അധ്യക്ഷത വഹിച്ചു.
കരീം കുളമുള്ളതിൽ, അബ്ദുല്ല മുന, ഷാഫി കല്യോട്ട്, ഷംസുദ്ദീൻ കിഴക്കെമുക്കാട്ട്, ഷിഹാബ് കല്ലംപറമ്പത്ത്, സാജിദ് മുയിപ്ര തുടങ്ങിയവർ സംസാരിച്ചു. സെക്രട്ടറി ജസീം അഷറഫ് സ്വാഗതവും, ട്രഷറർ ജാഫർ കുനിക്ക്താഴെ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.