മറക്കരുത്​ മുൻകരുതൽ

മനാമ: ഇൗദ്​ ആഘോഷ ദിനങ്ങളിൽ കോവിഡ്​ മുൻകരുതൽ പാലിക്കുന്നതിൽ ജാഗ്രത വേണമെന്ന്​ ഒാർമിപ്പിച്ച്​ നാഷനൽ മെഡിക്കൽ ടീം. കൂടിച്ചേരലുകൾ ഒഴിവാക്കി നിശ്ചയദാർഢ്യത്തോടെ കോവിഡ്​ മഹാമാരിയെ അതിജീവിക്കാൻ കഴിയുമെന്നും അംഗങ്ങൾ വാർത്തസമ്മേളനത്തിൽ പറഞ്ഞു.

കോവിഡ്​ പ്രതിരോധ കുത്തിവെപ്പിൽ ബഹ്​റൈന്​ വൻ മുന്നേറ്റമുണ്ടാക്കാൻ കഴിഞ്ഞതായി ആരോഗ്യ മന്ത്രാലയ അണ്ടർ സെക്രട്ടറിയും നാഷനൽ മെഡിക്കൽ ടീം അംഗവുമായ ഡോ. വലീദ്​ അൽ മാനിഅ്​ പറഞ്ഞു. 100 പേരിലെ വാക്​സിൻ​ ഡോസി​െൻറ ശരാശരിയിൽ ലോകത്ത്​ നാലാം സ്​ഥാനത്താണ്​ ബഹ്​റൈ​ൻ. കോവിഡ്​ പരിശോധനകളുടെ കാര്യത്തിൽ ആറാമതാണ്​ രാജ്യത്തി​െൻറ സ്​ഥാനം.

ലോകത്ത്​ വലിയ അളവിൽ റാൻഡം ടെസ്​റ്റ്​ നടത്തുന്ന ചുരുക്കം രാജ്യങ്ങളിലൊന്നാണ്​ ബഹ്​റൈൻ. പിന്തുടരുക, പരിശോധിക്കുക, ചികിത്സിക്കുക എന്ന നയമാണ്​ രാജ്യം സ്വീകരിക്കുന്നത്​. ഇൗ രീതി ഫലപ്രദമാണെന്നാണ്​ അനുഭവങ്ങൾ തെളിയിക്കുന്നത്​. വാക്​സിൻ സ്വീകരിക്കാൻ അർഹരിൽ 71 ശതമാനം പേർക്കാണ്​ ചൊവ്വാഴ്​ച വരെ നൽകിയത്​. മൊത്തം ജനസംഖ്യയുടെ 54 ശതമാനമാണ്​ ഇതെന്നും അദ്ദേഹം പറഞ്ഞു.

അടുത്ത നാളുകളിൽ കോവിഡ്​ കേസുകൾ ഉയരുന്ന സാഹചര്യത്തിൽ ഒാരോ വ്യക്​തിയും കൂടുതൽ ജാഗ്രത പാലിക്കണമെന്ന്​ നാഷനൽ മെഡിക്കൽ ടീം അംഗം ലഫ്​. കേണൽ ഡോ. മനാഫ്​ അൽ ഖഹ്​ത്താനി പറഞ്ഞു. കുടുംബത്തി​​െൻറയും സമൂഹത്തി​െൻറയും ആരോഗ്യം സംരക്ഷിക്കാൻ എല്ലാവരുടെയും ജാഗ്രത അനിവാര്യമാണ്​. മുൻകരുതൽ നിർദേശങ്ങൾ പാലിക്കുന്നതിലെ വീഴ്​ചയാണ്​ കോവിഡ്​ കേസുകൾ ഉയരാൻ​ കാരണം. നിലവിലുള്ള ​കോവിഡ്​ കേസുകളിൽ അധികവും വീടുകളിലെ കൂടിച്ചേരലുകളിലൂടെ സംഭവിച്ചതാണ്​. എത്രകാലമെടുത്താലും വൈറസിനെ തുടച്ചുനീക്കുന്നതുവരെ മുൻകരുതൽ നിർദേശങ്ങളോട്​ പൂർണ പ്രതിബദ്ധത എല്ലാവരും കാണിക്കണം.

കോവിഡ്​ പ്രതിരോധ ക​ുത്തിവെപ്പ്​ രോഗവ്യാപനം തടയാൻ നല്ല മാർഗമാണ്​. വൈറസ്​ ബാധിച്ചാൽ രോഗലക്ഷണങ്ങൾ ഗുരുതരമാകാതിരിക്കാനും ഇത്​ സഹായിക്കും. പ്രതിരോധ മാർഗങ്ങൾ ലളിതവും നിസ്സാരവുമാണ്​. പക്ഷേ, അത്​ പാലിക്കുന്നതിനുള്ള നിശ്ചയദാർഢ്യമാണ്​ വേണ്ടതെന്നും അദ്ദേഹം പറഞ്ഞു. എല്ലാവരുടെയും ആരോഗ്യം സംരക്ഷിക്കുകയാണ്​ കുത്തിവെപ്പി​െൻറ ലക്ഷ്യമെന്ന്​ ഡോ. ജമീല അൽ സൽമാൻ പറഞ്ഞു. കുത്തിവെപ്പെടുത്തശേഷം മുൻകരുതൽ പാലിക്കാത്തതിനെതിരെ അവർ മുന്നറിയിപ്പ്​ നൽകുകയും ചെയ്​തു.