മനാമ: സാമ്പത്തിക, വാണിജ്യ സഹകരണം വളർത്തുക എന്ന ലക്ഷ്യത്തോടെ ഇന്ത്യയിൽ നടക്കുന്ന 28ാമത് ‘പങ്കാളിത്ത ഉച്ചകോടി 2023’യിൽ ബഹ്റൈൻ പ്രതിനിധി സംഘം പങ്കെടുത്തു. വ്യവസായ വാണിജ്യ മന്ത്രി അബ്ദുല്ല ബിൻ അദേൽ ഫഖ്റോയുടെ നേതൃത്വത്തിലുള്ള സംഘമാണ് പങ്കെടുക്കുന്നത്. കോൺഫെഡറേഷൻ ഓഫ് ഇന്ത്യൻ ഇൻഡസ്ട്രിയാണ് (സി.ഐ.ഐ) ഉച്ചകോടി സംഘടിപ്പിച്ചത്.
വിവിധ രാജ്യങ്ങൾ തമ്മിലുള്ള സാമ്പത്തിക പങ്കാളിത്തം ശക്തിപ്പെടുത്തേണ്ടത് പ്രധാനപ്പെട്ട സംഗതിയാണെന്ന് മന്ത്രി പറഞ്ഞു. സുസ്ഥിര സമ്പദ്വ്യവസ്ഥക്കുവേണ്ടിയുള്ള ശ്രമങ്ങളെ ബഹ്റൈൻ പിന്തുണക്കും. ഇന്ത്യയുടെ ചരിത്രപരമായ സാംസ്കാരിക പാരമ്പര്യത്തെ പ്രശംസിച്ച മന്ത്രി പുതിയ ആഗോള സാമ്പത്തിക സഖ്യങ്ങൾ രൂപവത്കരിക്കുക എന്ന ഉച്ചകോടിയുടെ ലക്ഷ്യം നിറവേറപ്പെടട്ടെ എന്നും ആശംസിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.