മനാമ: ഫ്ലാറ്റിനുമുന്നിൽ കൂട്ടുകാരോടൊത്ത് കളിക്കുകയായിരുന്ന ബാലൻ കാറിനടിയിൽ പെട്ട് മരിച്ചു. ഇന്ത്യൻ സ്കൂൾ എൽ.കെ.ജി വിദ്യാർഥി ആര്യൻ അരബിന്ദ് കുമാർ കുശ്വാഹ (നാല് വയസ്) ആണ് മരിച്ചത്. അൽ ഫനാർ റിയൽ എസ്റ്റേറ്റ് കമ്പനിയിൽ സിവിൽ എഞ്ചിനിയറായി ജോലി ചെയ്യുന്ന അരബിന്ദ് കുമാർ കുശ്വാഹയുടെയും ശിൽപിയുടെയും മകനാണ്. ബിഹാർ സ്വദേശികളായ ഇവർ അഹ്മദാബാദിലാണ് സ്ഥിരതാമസം.
ഇന്നലെ ഉച്ചക്ക് റിഫയിൽ കുടുംബം താമസിക്കുന്ന സുൽത്താൻ ബിൽഡിങ്ങിന് മുന്നിലാണ് സംഭവം. കാർ പിന്നോെട്ടടുത്തപ്പോൾ കുട്ടി ഡ്രൈവറുടെ ശ്രദ്ധയിൽ പെട്ടില്ല. കുട്ടിയെ ഇടിച്ച ഉടൻ ബി.ഡി.എഫ് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. കാർ ഡ്രൈവർ പൊലീസിൽ കീഴടങ്ങി. ആര്യന് രണ്ട് മാസം പ്രായമുള്ള ഒരു സഹോദരനുണ്ട്. കുട്ടിയുെട മരണം സുൽത്താൻ ബിൽഡിങ്ങിലെ മുഴുവൻ താമസക്കാർക്കും ആഘാതമായി. സൽമാനിയ മോർച്ചറിയിൽ സൂക്ഷിച്ച മൃതദേഹം നാട്ടിലേക്ക് കൊണ്ടുപോകും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.