കൊല്ലം പ്രവാസി അസോസിയേഷൻ ബഹ്റൈൻ സൽമാനിയ ഏരിയ കമ്മിറ്റിയുടെ നേതൃത്വത്തിൽ നടന്ന രക്തദാനക്യാമ്പിൽ ഭാരവാഹികൾ
മനാമ: കൊല്ലം പ്രവാസി അസോസിയേഷൻ ബഹ്റൈൻ സൽമാനിയ ഏരിയ കമ്മിറ്റിയുടെ നേതൃത്വത്തിൽ രക്തദാനക്യാമ്പ് സംഘടിപ്പിച്ചു. കിങ് ഹമദ് ഹോസ്പിറ്റലിൽ സംഘടിപ്പിച്ച ഒമ്പതാമത് ‘കെ.പി.എ സ്നേഹസ്പർശം’ രക്തദാനക്യാമ്പ് കെ.പി.എ പ്രസിഡന്റ് നിസാർ കൊല്ലം ഉദ്ഘാടനം ചെയ്തു.
ജനറൽ സെക്രട്ടറി ജഗത് കൃഷ്ണകുമാർ, ട്രഷറർ രാജ് കൃഷ്ണൻ, വൈസ് പ്രസിഡന്റ് കിഷോർ കുമാർ, അസി.ട്രഷറർ ബിനു കുണ്ടറ എന്നിവർ ചടങ്ങിൽ പങ്കെടുത്തു.
50 ഓളം പ്രവാസികൾ രക്തദാനവും പ്ലേറ്റ്ലറ്റ് ദാനവും നടത്തി. സെൻട്രൽ കമ്മിറ്റി അംഗങ്ങളായ അനിൽ കുമാർ, നവാസ് കരുനാഗപ്പള്ളി, നിഹാസ്, നാരായണൻ, അനൂബ് തങ്കച്ചൻ, ഏരിയ ഭാരവാഹികളായ സുരേഷ്കുമാർ, ലിനീഷ് പി. ആചാരി, ഷമീർ സലിം, പ്രവാസി ശ്രീ യൂണിറ്റ് ഹെഡ് സുമി ഷമീർ എന്നിവർ ക്യാമ്പ് സന്ദർശിച്ചു.
ബ്ലഡ് ഡോണെഷൻ കൺവീനർ വി. എം. പ്രമോദ്, കെ.പി.എ സൽമാനിയ ഏരിയ കോ-ഓർഡിനേറ്റർമാരായ പ്രശാന്ത് പ്രബുദ്ധൻ, രഞ്ജിത്ത് ആർ പിള്ള ഏരിയ ഭാരവാഹികളായ ബിജു ആർ പിള്ള, വിഷ്ണു വേണുഗോപാൽ, റെജിമോൻ, സന്തോഷ് കുമാർ എന്നിവർ ക്യാമ്പിന് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.