മനാമ: ഒാണം മലയാളികളുടെ ഏറ്റവും പ്രിയപ്പെട്ട ആഘോഷം മാത്രമല്ലെന്നും ആചാരവും വികാരവും ആണെന്ന് കേരള നിയമസഭാ സ്പീക്കർ പി. ശ്രീരാമകൃഷ്ണൻ പറഞ്ഞു. ബഹ്റൈൻ കേരളീയ സമാജം ഓണാഘോഷത്തിെൻറ ഔദ്യോഗിക ഉദ്ഘാടനം നിർവഹിച്ച് സംസാരിക ്കുകയായിരുന്നു അദ്ദേഹം. ഒത്തിരി ആചാരങ്ങൾ ചരിത്രത്തിൽ ഉണ്ടായിട്ടുണ്ട്. എന്നാൽ എല്ലാ ആചാരങ്ങളും മാറി മറിഞ്ഞുക്കൊണ്ടിരിക്കുന്നു. എന്നാൽ ഒാണം എന്ന ആചാരം കാലത്തിെൻറയും ചരിത്രത്തിെൻറയും ഒഴുക്കിനെ മറികടന്ന് എല്ലാക്കാലത്തും മലയാളിയുടെ ആഘോഷമായി നിലനിൽക്കുന്നു.
അതിന് പിന്നിൽ ഒാണം മുന്നോട്ടുവക്കുന്ന സാമൂഹിക സ്വപ്നമാണെന്നും അദ്ദേഹം പറഞ്ഞു. മലയാളി ഇന്ന് ലോക പൗരനായിരിക്കുന്നു. കേരളത്തിൽ ഒതുക്കാൻ കഴിയാത്ത തരത്തിൽ മലയാളി ലോകത്തിെൻറ വിവിധ മേഖലകളിൽ എത്തപ്പെട്ടിരിക്കുന്നു. അതിനാലാണ് കേരള ഗവൺമെൻറ് ലോകത്തുനിന്നുള്ള വിവിധ മലയാളി സമൂഹത്തെ ഒരുകുടക്കീഴിൽ ആക്കാൻ ലോക കേരള സഭ രൂപവത്ക്കരിച്ചത്. തുടക്കത്തിെൻറതായ ബാലാരിഷ്ടതകളും പ്രശ്നങ്ങളും ഉണ്ടെങ്കിലും പ്രവാസികളെ സംബന്ധിച്ചിടത്തോളം ലോക കേരളസഭ ഒരു അംഗീകാരമാണെന്നും അദ്ദേഹം പറഞ്ഞു. ബഹ്റൈൻ കേരളീയ സമാജത്തിൽ ഒാണാഘോഷ പരിപാടിയിൽ പെങ്കടുക്കാൻ കഴിഞ്ഞത് ജീവിതത്തിലെ അസുലഭ മുഹൂർത്തമായി കാണുന്നുവെന്നും സ്പീക്കർ കൂട്ടിച്ചേർത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.