മനാമ: മനുഷ്യക്കടത്തിനെതിരെയുള്ള പ്രവര്ത്തനങ്ങളില് യുഎന്നുമായി വിവിധ തലങ്ങളില് സഹകരിക്കാന് ബഹ്റൈന് ഒര ുക്കമാണെന്ന് എല്.എം.ആര്.എ ചീഫ് എക്സിക്യൂട്ടീവ് ഉസാമ ബിന് അബ്ദുല്ല അല് അബ്സി വ്യക്തമാക്കി. കഴിഞ്ഞ ദിവസം വി യന്നയില് യു.എന് ഡെപ്യൂട്ടി ജനറല് സെക്രട്ടറിയും വിയന്നയിലെ യൂറോപ്യന് യു.എന് ഓഫീസ് ഡയറക്ടറുമായ യുറി ഫെഡോറ്റോവുമായി നടത്തിയ കൂടിക്കാഴ്ചയില് സംസാരിക്കുകയായിരുന്നു അദ്ദേഹം. ബഹ്റൈനും യു.എന്നുമായി നിലനില്ക്കുന്ന ബന്ധവും സഹകരണവും ചര്ച്ച ചെയ്യുകയും ചെയ്തു.
മനുഷ്യക്കടത്തിനെതിരെ ബഹ്റൈന് നടത്തിക്കൊണ്ടിരിക്കുന്ന പ്രവര്ത്തനങ്ങള് മാതൃകാപരമാണെന്ന് യൂറി വിലയിരുത്തുകയും ചെയ്തു. തൊഴിലാളികളുടെ അവകാശങ്ങള് സംരക്ഷിക്കുന്നതിനും ഉചിതമായ തൊഴിലിടങ്ങള് സൃഷ്ടിക്കുന്നതിനും ബഹ്റൈന് നടത്തിക്കൊണ്ടിരിക്കുന്ന ശ്രമങ്ങളെക്കുറിച്ച് അബ്സി വിശദീകരിച്ചു. അന്താരാഷ്ട്ര രംഗത്ത് മനുഷ്യക്കടത്ത് തടയുന്നതിന് സ്വീകരിച്ച നടപടി ക്രമങ്ങള് തന്നെയാണ് ബഹ്റൈന് പിന്തുടരുന്നതെന്ന് അബ്സി കൂട്ടിച്ചേര്ത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.