െഎ.സി.ആർ.എഫ് തൊഴിലാളികൾക്കായി നടത്തുന്ന ബോധവത്കരണ പരിപാടിയിൽ ഇന്ത്യൻ അംബാസഡർ പിയൂഷ് ശ്രീവാസ്തവ സന്ദേശം നൽകുന്നു
മനാമ: ഇന്ത്യൻ കമ്യൂണിറ്റി റിലീഫ് ഫണ്ട് (ഐ.സി.ആർ.എഫ്) വിവിധ ലേബർ ക്യാമ്പുകളിലെ തൊഴിലാളികൾക്കായി നടത്തുന്ന ബോധവത്കരണ പരിപാടിക്ക് തുടക്കമായി. റാസ് സുവൈദിലെ ചാപ്പോ ലേബർ ക്യാമ്പിൽ നടന്ന പരിപാടിയിൽ ബഹ്റൈൻ ഇന്ത്യൻ അംബാസഡർ പിയൂഷ് ശ്രീവാസ്തവ വിശിഷ്ടാതിഥിയായി. ബഹ്റൈൻ സർക്കാർ പ്രഖ്യാപിച്ച എല്ലാ മാർഗനിർദേശങ്ങളും മുൻകരുതലുകളും പാലിക്കണമെന്ന് തൊഴിലാളികളെ ഓൺലൈനിൽ അഭിസംബോധന ചെയ്ത് അദ്ദേഹം പറഞ്ഞു. ഈദ് ആഘോഷവേളയിൽ കമ്യൂണിറ്റി അംഗങ്ങളിലേക്ക് എത്താനുള്ള ഐ.സി.ആർ.എഫിെൻറ സംരംഭത്തിന് അംബാസഡർ അഭിനന്ദനം അറിയിച്ചു.
കോവിഡിനെതിരായ മുൻകരുതൽ നടപടികൾ ഡോ. ബാബു രാമചന്ദ്രൻ വിശദീകരിച്ചു. തുടർന്ന്, കോവിഡ് പ്രോട്ടോകോൾ പാലിച്ച് 700ഓളം തൊഴിലാളികൾക്ക് ഉച്ചഭക്ഷണം വിതരണം ചെയ്തു. കോവിഡ് ബോധവത്കരണ ഫ്ലയറുകളും വിതരണം ചെയ്തു.
ഇന്ത്യൻ എംബസി സെക്കൻഡ് സെക്രട്ടറി രവി ശങ്കർ ശുക്ല, ഐ.സി.ആർ.എഫ് ചെയർമാൻ അരുൾദാസ് തോമസ്, ജനറൽ സെക്രട്ടറി പങ്കജ് നല്ലൂർ, വൈസ് ചെയർമാൻ ഡോ. ബാബു രാമചന്ദ്രൻ, അഡ്വെെസർ ഭഗവാൻ അസർപോട്ട, ഐ.സി.ആർ.എഫ് വളൻറിയർമാരായ സുധീർ തിരുനിലത്ത്, മുരളീകൃഷ്ണൻ, ജവാദ് പാഷ, ചാപ്പോ കമ്പനി പ്രതിനിധി ബിനു മണ്ണിൽ, സുനിൽ ലാൽ എന്നിവരും പരിപാടിയിൽ പങ്കെടുത്തു. അടുത്ത ബോധവത്കരണ പരിപാടി മേയ് 21, 28 തീയതികളിൽ നടക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.