മനാമ: എയർ ഇന്ത്യ എക്സ്പ്രസ് ജീവനക്കാർ നടത്തിയ സമരം വ്യാഴാഴ്ചയും തുടർന്നതിനാൽ ബഹ്റൈനിൽനിന്നുള്ള രണ്ട് വിമാന സർവിസുകൾ റദ്ദാക്കി. ബഹ്റൈൻ -കണ്ണൂർ സർവിസും ബഹ്റൈൻ-കോഴിക്കോട് സർവിസുമാണ് റദ്ദാക്കിയത്. വ്യാഴാഴ്ച രാത്രി 9.40ന് പുറപ്പെടേണ്ടതായിരുന്നു കണ്ണൂർ വിമാനം.
വെള്ളിയാഴ്ച ഉച്ചക്ക് 1.20ന് കോഴിക്കോടിന് പുറപ്പെടേണ്ട വിമാനവും റദ്ദാക്കിയതായി അറിയിപ്പുണ്ട്. സമരം അവസാനിച്ചെങ്കിലും സർവിസുകൾ നേരത്തേയുള്ള പോലെയാകാൻ സമയമെടുത്തേക്കും. റദ്ദാക്കിയ സർവിസുകളിലെ യാത്രക്കാർക്ക് പണം തിരികെ നൽകുമെന്നും അല്ലെങ്കിൽ അടുത്ത ദിവസങ്ങളിലെ വിമാന സർവിസുകളിൽ ടിക്കറ്റ് നൽകുമെന്നുമാണ് എയർ ഇന്ത്യ എക്സ്പ്രസ് അധികൃതർ യാത്രക്കാരെ അറിയിച്ചിരിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.