ഗസ്സക്ക്​ കൂടുതൽ സഹായം: ബഹ്​റൈൻ സ്വാഗതം ചെയ്​തു

മനാമ: ഗസ്സയിലേക്ക്​ കൂടുതൽ സഹായമെത്തിക്കാനുള്ള അന്താരാഷ്​ട്ര കോടതിയുടെ ശ്രമങ്ങളെ ബഹ്​റൈൻ സ്വാഗതം ചെയ്​തു. ഭക്ഷണവും മരുന്നുകളും എത്തിക്കാനാണ്​ യു.എന്നുമായി സഹകരിച്ച്​ നടപടി സ്വീകരിച്ചിട്ടുള്ളത്​.

അന്താരാഷ്​ട്ര പ്രമേയങ്ങളും കരാറുകളും പാലിക്കാൻ ​ഇസ്രാ​യേൽ സന്നദ്ധമാകണമെന്നും ദുരിതമനുഭവിക്കുന്ന ഫലസ്​തീനികളെ കൊന്നൊടുക്കുന്ന നടപടികൾ അവസാനിപ്പിക്കണമെന്നും വിദേശകാര്യ മന്ത്രാലയം പുറത്തിറക്കിയ പ്രസ്​താവനയിൽ ആവശ്യപ്പെട്ടു.

വലിയ മാനുഷിക ദുരന്തമാണ്​ ഗസ്സ നേരിട്ടു കൊണ്ടിരിക്കുന്നത്​. യു.എൻ പ്രമേയമനുസരിച്ച്​ അടിയന്തര വെടിനിർത്തലിന്​ സന്നദ്ധമാവണമെന്നും ആവശ്യപ്പെട്ടിട്ടുണ്ട്​.