മനാമ: അപകടത്തിൽ മരണമടഞ്ഞ പ്രവാസി മലയാളികൾക്കുള്ള ഇൻഷുറൻസ് തുക വിതരണം ചെയ് തു. നോർക്ക റൂട്ട്‌സ് ആസ്ഥാനത്ത് നടന്ന ചടങ്ങിൽ റസിഡൻറ് വൈസ് ചെയർമാൻ കെ. വരദരാജൻ ഇൻഷുറൻസ് തുകയായ രണ്ടുലക്ഷം രൂപ വീതം 10 കുടുംബങ്ങൾക്ക് കൈമാറി. പ്രവാസി മലയാളികളുടെ ക്ഷേമം മുൻനിർത്തിയാണ് നോർക്ക റൂട്ട്‌സ് പ്രവർത്തിക്കുന്നതെന്ന് അധ്യക്ഷത വഹിച്ച ചീഫ് എക്‌സിക്യൂട്ടിവ് ഓഫിസർ കെ. ഹരികൃഷ്ണൻ നമ്പൂതിരി പറഞ്ഞു.
നോർക്ക റൂട്ട്‌സ് ജനറൽ മാനേജർ ഡി. ജഗദീഷ്, ഹോം അറ്റസ്റ്റേഷൻ ഓഫിസർ വി.എസ്. ഗീതാകുമാരി, ഫിനാൻസ് മനേജർ നിഷ ശ്രീധർ, പ്രോജക്ട്സ് അസിസ്റ്റൻറ് മാനേജർ ടി.സി. ശ്രീലത തുടങ്ങിയവർ പങ്കെടുത്തു. നോർക്ക റൂട്ട്‌സിെൻറ പ്രവാസി തിരിച്ചറിയൽ കാർഡുള്ള പ്രവാസികൾക്കാണ് ഈ ആനുകൂല്യം ലഭിക്കുന്നത്. ആറുലക്ഷത്തോളം പ്രവാസികളാണ് ഈ പദ്ധതിയിൽ ഇപ്പോൾ അംഗങ്ങളായിട്ടുള്ളത്. ന്യൂ ഇന്ത്യ അഷ്വറൻസ് കമ്പനി മുഖേനയാണ് പദ്ധതി നടപ്പാക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.