മനാമ: സാംസാ സാംസ്കാരിക സമിതി "സ്നേഹ സാന്ത്വനം " ചാരിറ്റി യുടെ ഭാഗമായി സൽമാനിയ മെഡിക്കൽ കോംപ്ലക്സിൽ നടത്തിയ അടിയന്തിര രക്തദാന ക്യാമ്പ് നിരവധി ആളുകൾക്ക് പുതു ജീവൻ നൽകാൻ സഹായമായി. രാത്രി 7 മുതൽ 11 വരെ നീണ്ടു നിന്ന ക്യാമ്പിൽ 25 ആളുകൾ രക്തം നൽകി. ജേക്കബ് കൊച്ചുമ്മൻ, വിനീത് മാഹീ, നിർമല, ധന്യ എന്നിവർ കോർഡിനേറ്റർമാരായ ക്യാമ്പ് സാംസാ പ്രസിഡന്റ് റിയാസ് കല്ലമ്പലം, ട്രഷറര് സുനിൽ നീലഞ്ചേരി, അഡ്വൈസറി ബോർഡ് മെംബേർസ് വത്സരാജൻ, മുരളികൃഷ്ണൻ, മനീഷ് എന്നിവർ നേതൃത്വം നൽകി. ഈ അടിയന്തിര ഘട്ടത്തിൽ രക്തം നൽകിയ അംഗങ്ങളോടുള്ള നന്ദി അറിയിച്ചതോടൊപ്പം തുടർന്നുള്ള ദിവസങ്ങളിലും രക്ത ദാനക്യാമ്പ് തുടരുമെന്നും ഭാരവാഹികൾ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.