മനാമ: ബഹ്റൈനിൽ പുതുതായി 291 പേർക്ക് കൂടി കോവിഡ് സ്ഥിരീകരിച്ചു. ഇവരിൽ 188 പേർ വിദേശ തൊഴിലാളികളാണ്. 103 പേർക്ക് സമ്പർക്കത്തിലൂടെയാണ് രോഗം പകർന്നത്. അതിനിടെ, കഴിഞ്ഞദിവസം ഒരു പ്രാവാസി കൂടി മരിച്ചതോടെ രാജ്യത്തെ മരണസംഖ്യ 14 ആയി. 44 വയസ്സുള്ള പുരുഷനാണ് മരിച്ചത്. രാജ്യത്ത് ഇതുവരെ മരിച്ചവരിൽ നാലുപേർ പ്രവാസികളാണ്.
നിലവിൽ 4397 പേരാണ് ചികിത്സയിൽ കഴിയുന്നത്. ഇവരിൽ എട്ടുപേരുടെ നില ഗുരുതരമാണ്. ചികിത്സയിൽ ഉള്ളവരിൽ 30 പേർക്കാണ് മരുന്ന് നൽകുന്നത്. പുതുതായി 116 പേർ കൂടി സുഖം പ്രാപിച്ചതായും ആരോഗ്യ മന്ത്രാലയം അറിയിച്ചു. ഇതോടെ രോഗമുക്തി നേടിയവരുടെ എണ്ണം 4,581 ആയി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.