ബിനു ബിജു (പ്രസി), ബിജു കെ.പി. (ജനറൽ സെക്ര.), ജോസഫ് വി.എം. (ട്രഷ.)
മനാമ: ബഹ്റൈനിലെ പ്രഫഷനൽ കൗൺസിലർമാരുടെ സംഘടനയായ പ്രവാസി ഗൈഡൻസ് ഫോറത്തിന്റെ 2025 - 2026 വർഷത്തെ ഭരണസമിതിയെ തെരഞ്ഞെടുത്തു. ബിനു ബിജു പ്രസിഡന്റായും ബിജു കെ.പി ജനറൽ സെക്രട്ടറിയായും ജോസഫ് വി.എം ട്രഷററായുമുള്ള കമ്മിറ്റിയാണ് നിലവിൽ വന്നത്.
പി.ജി.എഫിന്റെ ആദ്യ വനിത പ്രസിഡന്റായി തെരഞ്ഞെടുക്കപ്പെട്ട ബിനു ബിജു പത്തനംതിട്ട തിരുവല്ല സ്വദേശിനിയാണ്. പി.ജി.എഫിന്റെ തന്നെ വൈസ് പ്രസിഡന്റ്, മലയാളം പാഠശാല പ്രിൻസിപ്പൽ, വിവിധ പരിശീലന പരിപാടികളുടെ മെന്റർ, കോഓഡിനേറ്റർ തുടങ്ങിയ നിലകളിൽ പ്രവർത്തിച്ചിട്ടുള്ള ബിനു ബിജു ഇപ്പോൾ സൈക്കോളജിയിൽ മാസ്റ്റേഴ്സ് പഠനം നടത്തിക്കൊണ്ടിരിക്കുകയാണ്.
അനിൽ കുമാർ സി.എസ് (വൈസ് പ്രസിഡന്റ്, പബ്ലിക് റിലേഷൻസ്), സുധീർ എൻ.പി (വൈസ് പ്രസിഡന്റ്, മെംബേർസ് വെൽഫെയർ), ജെയിംസ് ഫിലിപ്പ് (സെക്രട്ടറി, പബ്ലിക് റിലേഷൻസ്), മുഹമ്മദ് റഫീഖ് (സെക്രട്ടറി, മെംബേർസ് വെൽഫെയർ), വൽസലൻ സി.വി (ജോയന്റ് ട്രഷറർ), അനന്തകൃഷ്ണൻ, അശ്വതി ഹരീഷ്, റോസ് ലാസർ, രശ്മി എസ്. നായർ, റസീല മുഹമ്മദ്, ജീമോൾ ബൈജു, കവിത ജ്യോതിഷ് (എക്സ്കോം അംഗങ്ങൾ) എന്നിവരാണ് മറ്റ് ഭാരവാഹികൾ. ഡോ. ജോൺ പനക്കൽ ചെയർമാനായും പ്രദീപ് പുറവങ്കര വർക്കിങ് ചെയർമാനായുമുള്ള പതിനാറംഗ അഡ്വൈസറി ബോർഡും നിലവിൽ വന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.