മനാമ: ഖലീഫ ബിന് സായിദ് ആല്നഹ്യാന് ഫൗണ്ടേഷന് സംഘടിപ്പിച്ച സമൂഹ വിവാഹം ശ്രദ്ധേയമായി. ഹമദ് രാജാവിെൻറ യുവജന^സ്പോര്ട്സ് കാര്യ പ്രത്യേക പ്രതിനിധി ശൈഖ് നാസിര് ബിന് ഹമദ് ആൽ ഖലീഫയുടെ രക്ഷാധികാരത്തില് ക്രൗണ് പ്ലാസ ഹോട്ടലില് നടന്ന ചടങ്ങില് 886 യുവതീ യുവാക്കള് വിവാഹിതരായി. രാജ്യത്തെ ഏറ്റവും വലിയ സമൂഹ വിവാഹത്തിന് സാക്ഷ്യം വഹിക്കാന് മന്ത്രിമാരും നയതന്ത്ര പ്രമുഖരുമടക്കമുള്ളവർ സന്നിഹിതരായിരുന്നു. യു.എ.ഇയും ബഹ്റൈനും തമ്മിലുള്ള സഹകരണത്തിെൻറ ഏറ്റവും വലിയ ഉദാഹരമാണ് സമൂഹ വിവാഹമെന്ന് ശൈഖ് നാസിര് ബിന് ഹമദ് ആല്ഖലീഫ വ്യക്തമാക്കി.
ഇതിന് സഹായം നല്കിയ ഖലീഫ ബിന് സായിദ് ആല്നഹ്യാന് ഫൗണ്ടേഷനും ചടങ്ങ് നടത്താനാവശ്യമായ പിന്തുണ നല്കിയ രാജാവ് ഹമദ് ബിന് ഈസ ആല്ഖലീഫക്കും അദ്ദേഹം നന്ദി പറഞ്ഞു. ഖലീഫ ബിന് സായിദ് ആല്നഹ്യാന് ഫൗണ്ടേഷന് ഡയറക്ടര് മുഹമ്മദ് ഹാജി അല്ഖൂരി, കാപിറ്റല് ഗവര്ണര് ശൈഖ് ഹിഷാം ബിന് അബ്ദുറഹ്മാന് ആല്ഖലീഫ, ബഹ്റൈനിലെ യു.എ.ഇ അംബാസഡര് സഈദ് സാലിം ഹാദ അല്കത്ബി, റോയല് ചാരിറ്റി ഓര്ഗനൈസേഷന് സെക്രട്ടറി ഡോ. മുസ്തഫ അസ്സയ്യിദ് തുടങ്ങിയവരും ചടങ്ങില് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.