കാരറ്റ് പക്കോട

അവധിക്കാലത്ത് ചായയോടൊപ്പം ഒരേ വിഭവങ്ങൾ പരീഷിച്ച് മടുത്തോ? എന്നാൽ ഈ ഒരു സ്പെഷ്യൽ കാരറ്റ് പക്കോട ഒന്ന് ട്രൈ ചെയ്ത് നോക്കൂ...

ആവശ്യമായ സാധനങ്ങൾ:

കാരറ്റ് : രണ്ടെണ്ണം

കടലമാവ് : അരക്കപ്പ്

അരിപ്പൊടി : ഒരു ടേബിൾസ്പൂൺ

റവ : രണ്ട് ടീസ്പൂൺ

മുളകുപൊടി : അര ടീസ്പൂൺ

കായപ്പൊടി : കാൽ ടീസ്പൂൺ

കറിവേപ്പില അരിഞ്ഞത് : ഒരു തണ്ട്

വെളിച്ചെണ്ണ, ഉപ്പ് : ആവശ്യത്തിന്

തയാറാക്കുന്ന വിധം:

കഴുകിയെടുത്ത കാരറ്റ് ചെറുതായി അരിയുകയോ ചിരകിയെടുക്കുകയോ ചെയ്യുക. അരിഞ്ഞെടുത്ത കാരറ്റും വെളിച്ചെണ്ണ ഒഴികെയുള്ള ചേരുവകളും അൽപം വെള്ളവും ആവശ്യത്തിന് ഉപ്പും ചേർത്ത് നന്നായി ഇളക്കിയെടുക്കണം. ഈ കൂട്ടിൽ നിന്നും കുറേശ്ശെ എടുത്ത് വെളിച്ചെണ്ണയിൽ ബ്രൗൺനിറമാകുന്നതുവരെ വറുത്തുകോരുക. കാരറ്റ് പക്കോട തയ്യാർ.