കാട്ടുതീയും നായാട്ടും; നെല്ലിയാമ്പതിയിൽ വരയാടുകൾ കുറഞ്ഞു

നെ​ല്ലി​യാ​മ്പ​തി: കൊ​ല്ല​ങ്കോ​ട്, എ​ല​വ​ഞ്ചേ​രി, നെ​ല്ലി​യാ​മ്പ​തി, പ​റ​മ്പി​ക്കു​ളം വ​ന​മേ​ഖ​ല​ക​ളി​ലെ ചെ​ങ്കു​ത്താ​യ മ​ല​മ്പ്ര​ദേ​ശ​ങ്ങ​ളി​ൽ ക​ണ്ടു​വ​രു​ന്ന വ​ര​യാ​ടു​ക​​ളു​ടെ എ​ണ്ണം കു​റ​ഞ്ഞു. 15 വ​ർ​ഷ​ത്തി​നി​ടെ​യു​ണ്ടാ​യ കാ​ട്ടു​തീ​യും വ​ർ​ധി​ച്ചു​വ​ന്ന നാ​യാ​ട്ടു​മാ​ണ് പ്രധാന ​കാര​ണം. കോ​വി​ന്ദ​മ​ല, നെ​ല്ലി​യാ​മ്പ​തി​യി​ലെ നാ​ലി​ല​ധി​കം കു​ന്നു​ക​ൾ, വാ​ൽ​പ്പാ​റ​ക്ക് സ​മീ​പ​ത്തെ പ​റ​മ്പി​ക്കു​ളം ക​ടു​വ സ​ങ്കേ​ത​ത്തി​ലെ കു​ന്നി​ൻ​ച​രി​വു​ക​ൾ എ​ന്നി​വി​ട​ങ്ങ​ളി​ൽ വ​ര​യാ​ടു​ക​ളെ വ്യാ​പ​ക​മാ​യ തോ​തി​ൽ ക​ണ്ടെ​ത്തി​യി​രു​ന്നു. ഇ​പ്പോ​ഴി​വ വ​ള​രെ കു​റ​വാ​ണ്.

കാ​ട്ടു​തീ​യി​ലും നാ​യാ​ട്ടി​ലു​മാ​യി വ​ര​യാ​ടു​ക​ൾ വ്യാ​പ​ക​മാ​യി ഇ​ല്ലാ​താ​കു​ന്ന​ത് ത​ട​യ​ണ​മെ​ന്ന് പ​രി​സ്ഥി​തി പ്ര​വ​ർ​ത്ത​ക​ർ പ​റ​യു​ന്നു. പു​ൽ​മേ​ടു​ക​ളി​ലും ചെ​ങ്കു​ത്താ​യ മ​ല​നി​ര​ക​ളി​ലും വ​സി​ക്കു​ന്ന വ​ര​യാ​ടു​ക​ൾ പു​ലി, ക​ടു​വ തു​ട​ങ്ങി​യ​വ​യു​ടെ ആ​ക്ര​മ​ണ​ത്തി​ൻ ഇ​ല്ലാ​താ​കു​ന്ന​തി​നേ​ക്കാ​ൾ പ​തി​ന്മ​ട​ങ്ങാ​ണ് കാ​ട്ടു​തീ​യി​ൽ ച​ത്തു​പോ​കു​ന്ന​ത്. ഇ​വ​യെ സം​ര​ക്ഷി​ക്കാ​ൻ ത​മി​ഴ്നാ​ട് സ​ർ​ക്കാ​ർ ബ​ജ​റ്റി​ൽ കോ​ടി​ക​ൾ മാ​റ്റി​വെ​ക്കു​മ്പോ​ൾ കേ​ര​ള​ത്തി​ൽ കാ​ര്യ​ക്ഷ​മ​മാ​യ പ​ദ്ധ​തി​ക​ളി​ല്ല.

നീ​രു​റ​വ​ക​ളു​ടെ​യും അ​രു​വി​ക​ളു​ടെ​യും ന​ദി​ക​ളു​ടെ​യും പ്ര​ധാ​ന ഉ​ത്ഭ​വ​കേ​ന്ദ്ര​മാ​യ മ​ല​നി​ര​ക​ളി​ൽ പു​ൽ​മേ​ടു​ക​ളെ സൃ​ഷ്ടി​ക്കു​ന്ന​തി​ൽ മി​ക​ച്ച പ​ങ്കു​വ​ഹി​ക്കു​ന്ന വ​ര​യാ​ടു​ക​ളെ സം​ര​ക്ഷി​ക്കാ​ൻ സ​ർ​ക്കാ​ർ ത​യാ​റാ​വ​ണ​മെ​ന്ന് ആ​ശ്ര​യം റൂ​റ​ൽ ഡെ​വ​ല​പ്മെൻറ് സൊ​സൈ​റ്റി പ്ര​വ​ർ​ത്ത​ക​ർ പ​റ​യു​ന്നു. വ​ര​യാ​ടു​ക​ൾ നി​ല​നി​ൽ​ക്കേ​ണ്ട​ത് പ​ശ്ചി​മ​ഘ​ട്ട മ​ല​നി​ര​ക​ളി​ലെ പ​ച്ച​പ്പി​ന് അ​ത്യ​ന്താ​പേ​ക്ഷി​ത​മാ​ണ്. വ​ര​യാ​ടു​ക​ൾ ഉ​ൾ​പ്പെ​ടെ​യു​ള്ള വ​ന്യ​ജീ​വി​ക​ൾ​ക്ക് കു​ടി​വെ​ള്ളം ല​ഭ്യ​മാ​ക്കാ​ൻ വ​നം വ​കു​പ്പ് ഉ​ൾ​വ​ന​ങ്ങ​ളി​ൽ സം​വി​ധാ​ന​മൊ​രു​ക്ക​ണ​മെ​ന്നും പ​രി​സ്ഥി​തി പ്ര​വ​ർ​ത്ത​ക​ർ ആ​വ​ശ്യ​പ്പെ​ടു​ന്നു.