കു​ള​ങ്ങ​ളു​ടെ സം​ര​ക്ഷ​ണ​ത്തി​ന് ഒ​റ്റ​യാ​ൾ പോ​രാ​ട്ടം

പാ​ല​ക്കാ​ട്: ന​ഗ​ര​ത്തി​ൽ നാ​മാ​വ​ശേ​ഷ​മാ​യി​ക്കൊ​ണ്ടി​രി​ക്കു​ന്ന കു​ള​ങ്ങ​ളു​ടെ സം​ര​ക്ഷ​ണ​ത്തി​ന് ഒ​റ്റ​യാ​ൾ പോ​രാ​ട്ട​വു​മാ​യി ഒ​രാ​ൾ. കു​ള​ങ്ങ​ൾ നി​ക​ത്തു​ന്ന​തി​നെ​തി​രെ നി​യ​മ​പോ​രാ​ട്ട​മാ​ണ് പാ​ല​ക്കാ​ട് സി​വി​ൽ സ്റ്റേ​ഷ​ന് പു​റ​കി​ൽ ക​ല്ലേ​ക്കാ​ട് പാ​ർ​വ​തി വി​ഹാ​റി​ൽ ര​തീ​ഷ് ഗോ​പാ​ല​ൻ (43) ന​ട​ത്തു​ന്ന​ത്. പാ​ല​ക്കാ​ട് ന​ഗ​ര​സ​ഭ പ​രി​ധി​യി​ൽ മാ​ത്രം 924 കു​ള​ങ്ങ​ളാ​ണ് നേ​ര​ത്തെ ഉ​ണ്ടാ​യി​രു​ന്ന​ത്. എ​ന്നാ​ൽ, ഇ​തി​ൽ പ​ല​തും പി​ന്നീ​ട് നി​ക​ത്ത​പ്പെ​ട്ട​താ​യി ര​തീ​ഷ് പ​റ​യു​ന്നു. കു​ള​ങ്ങ​ൾ നി​ക​ത്തു​ന്ന​ത് രൂ​ക്ഷ​മാ​യ ജ​ല​ക്ഷാ​മ​ത്തി​ന് ഇ​ട​യാ​ക്കു​മെ​ന്നും ഇ​തി​നെ​തി​രെ ജ​ന​ങ്ങ​ൾ​ക്ക് ബോ​ധ​വ​ത്ക​ര​ണം ന​ൽ​കി കു​ള​ങ്ങ​ളെ സം​ര​ക്ഷി​ക്കു​ക​യാ​ണ് ല​ക്ഷ്യ​മെ​ന്നും ര​തീ​ഷ് പ​റ​ഞ്ഞു. ചെ​റു​പ്പം മു​ത​ൽ പ​രി​സ്ഥി​തി വി​ഷ​യ​ത്തി​ൽ താ​ൽ​പ​ര്യ​മു​ണ്ടാ​യി​രു​ന്ന ര​തീ​ഷ് ഗോ​പാ​ല​ൻ 2020 മു​ത​ലാ​ണ് കു​ള സം​ര​ക്ഷ​ണം മു​ൻ​നി​ർ​ത്തി നി​യ​മ​പോ​രാ​ട്ടം തു​ട​ങ്ങി​യ​ത്.

കേ​ര​ള പ​ഞ്ചാ​യ​ത്തീ​രാ​ജ് നി​യ​മം, ഭൂ​പ​രി​ഷ്ക​ര​ണ നി​യ​മം എ​ന്നി​വ പ്ര​കാ​രം സ്വ​കാ​ര്യ വ്യ​ക്തി​ക​ളു​ടെ കു​ള​ങ്ങ​ളാ​ണെ​ങ്കി​ലും അ​വ ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന​ങ്ങ​ളു​ടെ സ്വ​ത്താ​ണ്. വ്യ​ക്തി​പ​ര​മാ​യി സ്വ​കാ​ര്യ വ്യ​ക്തി​ക​ൾ​ക്ക് കു​ള​ങ്ങ​ളി​ൽ അ​വ​കാ​ശ​മി​ല്ല. കു​ളം നി​ക​ത്താ​നും പ​രി​വ​ർ​ത്ത​നം ന​ട​ത്താ​നു​മെ​ല്ലാം ത​ദ്ദേ​ശ​സ്ഥാ​പ​ന​ങ്ങ​ളു​ടെ അ​നു​മ​തി വേ​ണം. കൃ​ഷി കു​റ​ഞ്ഞ​തോ​ടെ കു​ള​ങ്ങ​ളി​ൽ​നി​ന്നു​ള്ള വെ​ള്ളം ഉ​പ​യോ​ഗി​ക്കു​ന്നി​ല്ലെ​ന്നും മാ​ലി​ന്യം നി​റ​ഞ്ഞും കൊ​തു​കു​ക​ൾ പെ​രു​കി​യും രോ​ഗ​ങ്ങ​ൾ പ​ട​രു​ന്നു​വെ​ന്നു​മെ​ല്ലാം കാ​ര​ണ​ങ്ങ​ൾ നി​ര​ത്തി​യാ​ണ് മി​ക്ക​വ​രും കു​ളം നി​ക​ത്തു​ന്ന​ത്. എ​ന്നാ​ൽ, ഇ​വ ന​വീ​ക​രി​ക്കാ​നു​ള്ള ശ്ര​മ​ങ്ങ​ൾ ന​ട​ത്താ​റി​ല്ല. ത​ദ്ദേ​ശ​സ്ഥാ​പ​ന​ങ്ങ​ളും അ​ധി​കാ​രം വി​നി​യോ​ഗി​ക്കാ​റി​ല്ല.

ജി​ല്ല​യി​ൽ നി​ല​വി​ൽ എ​ത്ര കു​ള​ങ്ങ​ളു​ണ്ടെ​ന്ന് ത​ദ്ദേ​ശ​സ്ഥാ​പ​ന​ങ്ങ​ളി​ൽ ക​ണ​ക്കി​ല്ലാ​ത്ത​തി​നാ​ൽ പ​ല​തും നി​ക​ത്തു​ന്ന​ത് ആ​രും അ​റി​യാ​റി​ല്ല. ന​ഗ​ര​ത്തി​ലെ ഏ​റ്റ​വും വ​ലി​യ കു​ള​മാ​യ വ​ട​ക്ക​ന്ത​റ​യി​ലെ ഗൗ​ഡ​ർ കു​ളം നാ​ശ​ത്തി​ന്‍റെ വ​ക്കി​ലാ​ണ്. കു​ളം നി​ക​ത്താ​നു​ള്ള നീ​ക്ക​ത്തി​നെ​തി​രെ ര​തീ​ഷ് കോ​ട​തി​യി​ൽ കേ​സ് ഫ​യ​ൽ ചെ​യ്തി​ട്ടു​ണ്ട്. കു​റ​ച്ചു വ​ർ​ഷം മു​മ്പ് കു​ന്ന​ത്തൂ​ർ​മേ​ടി​ലെ പാ​റ​ക്കു​ളം നി​ക​ത്താ​നു​ള്ള നീ​ക്ക​ത്തി​നെ​തി​രെ​യും കേ​സ് ന​ൽ​കി​യി​രു​ന്നു. കു​ളം ത​രം​മാ​റ്റു​ന്ന​ത് ത​ട​യാ​ൻ ക​ഴി​ഞ്ഞ​തി​ന്‍റെ സ​ന്തോ​ഷ​മു​ണ്ട് ര​തീ​ഷി​ന്. നി​ല​വി​ൽ പാ​റ​ക്കു​ളം നി​ക​ത്തു​ന്ന​തു​മാ​യി ബ​ന്ധ​പ്പെ​ട്ട് ര​ണ്ടും ഗൗ​ഡ​ർ കു​ളം, ഡി.​പി.​ഒ റോ​ഡി​ലെ മൈ​ത്രി ന​ഗ​റി​ലെ ഒ​ന്ന് വീ​തം കു​ള​ങ്ങ​ളും നി​ക​ത്തു​ന്ന​തു​മാ​യി ബ​ന്ധ​പ്പെ​ട്ട് നാ​ല് കേ​സു​ക​ൾ പാ​ല​ക്കാ​ട് മു​ൻ​സി​ഫ് കോ​ട​തി​യി​ൽ ര​തീ​ഷ് ഗോ​പാ​ല​ൻ ഫ​യ​ൽ ചെ​യ്തി​ട്ടു​ണ്ട്. വീ​ട്ട​മ്മ​യാ​യ ഭാ​ര്യ നി​മ്മി ര​തീ​ഷി​ന് പൂ​ർ​ണ പി​ന്തു​ണ ന​ൽ​കു​ന്നു. മ​ക്ക​ൾ: ശൈ​ല ദീ​ക്ഷാ​ന്ത, ശൈ​ല സ്വ​രാ​ഷ്ട്ര.