ലണ്ടൻ: ലോകത്തിലെ ഏറ്റവും അപൂർവമായ സസ്തനികളിലൊന്നായ കിഴക്കൻ കറുത്ത കാണ്ടാമൃഗത്തിന്റെ ജനനം ആഘോഷമാക്കിയിരിക്കുകയാണ് യു.കെയിലെ ചെസ്റ്റര് മൃഗശാലാ അധികൃതര്. സൂരി കാണ്ടാമൃഗമാണ് നവംബര് 12-ന് ഒരു പെണ്കുഞ്ഞിന് ജന്മം നല്കിയത്. ജനനം ആകാംക്ഷയോടെ കാത്തിരിക്കുകയായിരുന്നു വെന്ന് മൃഗശാലയുടെ ടീം മാനേജർ എമ്മ എവിസൺ പറഞ്ഞു.
ഐ.യു.സി.എന് പട്ടികപ്രകാരം വംശനാശഭീഷണി നേരിടുന്ന കാണ്ടാമൃഗ ഇനം കൂടിയാണ് ഇവ. 2019-ല് ചെസ്റ്റര് മൃഗശാല യൂറോപ്യന് മൃഗശാലകളിലുടനീളമുള്ള കിഴക്കൻ കറുത്ത കാണ്ടാമൃഗങ്ങളുടെ പ്രജനനത്തിനുള്ള പദ്ധതിക്കായി നേതൃത്വം നല്കിയിരുന്നു.
കാട്ടിൽ ഇവയ്ക്ക് വംശനാശം സംഭവിക്കാനുള്ള സാധ്യത വളരെ കൂടുതലാണ്. ആഫ്രിക്കയിലെ കാണ്ടാമൃഗങ്ങളുടെ 95 ശതമാനവും ഇത്തരത്തിൽ നശിച്ചിരുന്നു. കെനിയ, ടാൻസാനിയ, റുവാണ്ട എന്നിവിടങ്ങളിൽ 600-ൽ താഴെ കിഴക്കൻ കറുത്ത കാണ്ടാമൃഗങ്ങളുണ്ട്.
കാണ്ടാമൃഗങ്ങളുടെ കൊമ്പിന് അനധികൃത വന്യജീവി വിപണിയില് വലിയ ഡിമാന്ഡാണ്. കൊമ്പിനായാണ് കാണ്ടാമൃഗങ്ങളെ പ്രധാനമായും വേട്ടയാടുന്നത്. ഒരു നൂറ്റാണ്ടിലേറെ കാലമായി കാണ്ടാമൃഗങ്ങള് കൊമ്പിനായി വേട്ടയാടപ്പെട്ടുന്നുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.