മുംബൈ: കഞ്ചാവ് കൈവശം വെച്ചതിന് ബോളിവുഡ് നിർമാതാവായ ഫിറോസ് നാദിയാദ്വാലയുടെ ഭാര്യയെ നാർക്കോട്ടിക്സ് കൺട്രോൾ ബ്യൂറോ അറസ്റ്റ് ചെയ്തു. ഇരുവരുടേയും മുംബൈയിലുള്ള വീട്ടിൽ നടത്തിയ റൈഡിലാണ് 10 ഗ്രാം കഞ്ചാവ് കണ്ടെത്തിയത്. ഫിറോസ് നാദിയദ്വാലയെ മയക്കുമരുന്ന് വിരുദ്ധ ഏജൻസി നേരത്തെ വിളിപ്പിച്ചിരുന്നുവെങ്കിലും അദ്ദേഹം ഹാജരായില്ലെന്ന് എൻസിബി മുംബൈ സോണൽ ഡയറക്ടർ സമീർ വാങ്കഡെ വാർത്താ ഏജൻസിയായ പി.ടി.െഎയോട് പറഞ്ഞു.
ഫിറോസിെൻറ ഭാര്യയായ ശബാദ സഇൗദിനെ അറസ്റ്റ് ചെയ്തിട്ടുണ്ടെന്നും അന്വേഷണം പുരോഗമിക്കുകയാണെന്നും ഉദ്യോഗസ്ഥൻ അറിയിച്ചിട്ടുണ്ട്. ഞായറാഴ്ച അവരുടെ വീട്ടിൽ പരിശോധന നടത്തുകയും കഞ്ചാവ് കണ്ടെത്തുകയും ചെയ്തിട്ടുണ്ട്. നേരത്തെ അറസ്റ്റിലായ വാഹിദ് അബ്ദുൽ കാദിർ ഷെയ്ഖ് എന്ന സുൽത്താൻ എന്നയാളിൽ നിന്നാണ് കഞ്ചാവ് വാങ്ങിയതെന്നും ഉദ്യോഗസ്ഥൻ കൂട്ടിച്ചേർത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.