മോഹൻലാൽ ആരാധകർ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് മരക്കാർ അറബികടലിന്റെ സിംഹം. കുഞ്ഞാലി മരക്കാറുടെ കഥ പറയുന്ന ചിത്രം ഡിസംബർ രണ്ടിനാണ് റിലീസ് ചെയ്യുന്നത്. നിരവധി അനിശ്ചിതത്വങ്ങൾക്കൊടുവിലാണ് സിനിമ തിയറ്ററുകളിൽ റിലീസ് ചെയ്യുന്നത്. കഴിഞ്ഞ ദിവസം മരക്കാറിന്റെ ചെറിയ ടീസറും റിലീസ് ചെയ്തിരുന്നു. ഇപ്പോൾ മരക്കാറിന്റെ ടീസറിന് കമന്റുമായി സമൂഹമാധ്യമ ഭീമനായ ഫേസ്ബുക്ക് രംഗത്തെത്തിയിരിക്കുകയാണ്.
മോഹൻലാൽ ഷെയർ ചെയ്ത മരക്കാർ ടീസറിനടിയിലാണ് ഫേസ്ബുക്കിന്റെ ഔദ്യോഗിക പേജിൽ നിന്നും കമന്റിട്ടത്. മരക്കാറിന്റെ ടീസറിന് എപ്പിക് എന്ന വിശേഷമാണ് ഫേസ്ബുക്ക് നൽകിയിരിക്കുന്നത്.
കഴിഞ്ഞ ദിവസം 24 സെക്കൻഡ് ദൈർഘ്യമുള്ള മരക്കാറിന്റെ ടീസർ വിഡിയോയാണ് പുറത്ത് വന്നത്. ഏകദേശം 14 ലക്ഷം പേർ കണ്ട വിഡിയോ യൂട്യുബിലെ ട്രെൻഡിങ് ലിസ്റ്റിലും ഇടംനേടി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.