അളക്കാനാവാത്ത ഹൃദയബന്ധം

ഗം​ഗേ​ട്ട​ന്‍റെ വി​യോ​ഗ​ത്തി​ന്​ മു​ന്നി​ൽ എ​ന്തു​പ​റ​യ​ണം എ​ന്നെ​നി​ക്ക​റി​യി​ല്ല. ഞാ​ൻ പ​ണ്ട്​ സി​നി​മ സ്വ​പ്നം​ക​ണ്ട്​ ന​ട​ന്ന കാ​ല​ത്ത്​ മ​ല​യാ​ള​ത്തി​ലെ ഏ​റ്റ​വും വ​ലി​യ ബാ​ന​റാ​യി​രു​ന്നു ഗൃ​ഹ​ല​ക്ഷ്മി പ്രൊ​ഡ​ക്​​ഷ​ൻ​സ്. സ്ക്രീ​നി​ൽ ഗൃ​ഹ​ല​ക്ഷ്മി പ്രൊ​ഡ​ക്​​ഷ​ൻ​സ്​ അ​ല്ലെ​ങ്കി​ൽ കെ.​ടി.​സി എ​ന്ന്​ എ​ഴു​തി​വ​രു​മ്പോ​ൾ ആ ​ബാ​ന​റി​ന്‍റെ ഒ​രു സി​നി​മ​യി​ൽ അ​ഭി​ന​യി​ക്കാ​ൻ അ​വ​സ​രം ല​ഭി​ക്കു​മെ​ന്നോ ആ ​കു​ടും​ബ​വു​മാ​യി ഇ​ത്ര​യും ആ​ഴ​മേ​റി​യ അ​ടു​പ്പ​മു​ണ്ടാ​കു​മെ​ന്നോ ഞാ​ൻ സ്വ​പ്ന​ത്തി​ൽ​പോ​ലും വി​ചാ​രി​ച്ചി​ട്ടി​ല്ല.

പി.​വി. ഗം​ഗാ​ധ​ര​ൻ എ​ന്ന നി​ർ​മാ​താ​വ്​ പി​ന്നീ​ട്​ എ​നി​ക്ക്​ എ​ന്‍റെ സ്വ​ന്തം ഗം​ഗേ​ട്ട​നാ​യി മാ​റി. ഒ​രു​പാ​ട്​ ന​ല്ല സി​നി​മ​ക​ൾ എ​നി​ക്ക്​ സ​മ്മാ​നി​ച്ചു. അ​ദ്ദേ​ഹം നി​ർ​മി​ച്ച എ​ന്നും ന​ന്മ​ക​ൾ, അ​ദ്വൈ​തം, തൂ​വ​ൽ​ക്കൊ​ട്ടാ​രം, വീ​ണ്ടും​ചി​ല വീ​ട്ടു​കാ​ര്യ​ങ്ങ​ൾ, കൊ​ച്ചു​കൊ​ച്ചു സ​ന്തോ​ഷ​ങ്ങ​ൾ തു​ട​ങ്ങി​യ സി​നി​മ​ക​ളി​ൽ അ​ഭി​ന​യി​ക്കാ​നു​ള്ള ഭാ​ഗ്യം​ല​ഭി​ച്ചു.

‘കൊ​ച്ചു​കൊ​ച്ചു സ​ന്തോ​ഷ​ങ്ങ​ളി’​ലൂ​ടെ എ​ന്‍റെ മ​ക​ൻ കാ​ളി​ദാ​സ​ന്‍റെ കൈ​ക​ളി​ലേ​ക്ക്​​ ആ​ദ്യ​മാ​യി സി​നി​മ​യി​ൽ അ​വ​സ​രം അ​നു​ഗ്ര​ഹി​ച്ച്​ ന​ൽ​കി​യ ​ഗം​ഗേ​ട്ട​നെ​ക്കു​റി​ച്ച്​ പ​റ​യ​ണോ അ​ല്ലെ​ങ്കി​ൽ കോ​ഴി​ക്കോ​ട്​ ചെ​ന്നി​റ​ങ്ങു​മ്പോ​ൾ എ​ന്നെ ആ​ദ്യം വി​ളി​ക്കു​ക​യും വീ​ട്ടി​ൽ ചെ​ന്നാ​ൽ ഭ​ക്ഷ​ണം വി​ള​മ്പി​ത്ത​രു​ക​യും ചെ​യ്യു​ന്ന ആ ​കു​ടും​ബ​ത്തി​ന്‍റെ സ്​​നേ​ഹ​​ത്തെ​ക്കു​റി​ച്ച്​ പ​റ​യ​ണോ എ​ന്നെ​നി​ക്ക​റി​യി​ല്ല. കേ​വ​ലം ഒ​രു നി​ർ​മാ​താ​വും ന​ട​നും ത​മ്മി​ലു​ള്ള ബ​ന്ധ​മാ​യി​രു​ന്നി​ല്ല ഞ​ങ്ങ​ൾ ഇ​രു​വ​രു​ടെ​യും കു​ടും​ബ​ങ്ങ​ൾ ത​മ്മി​ൽ​. അ​തി​നെ​ല്ലാം ഒ​രു​പാ​ട്​ അ​പ്പു​റ​ത്തേ​ക്ക്​ ക​രു​ത​ലി​ന്‍റെ​യും സൗ​ഹൃ​ദ​ത്തി​ന്‍റെ​യും വ​ലി​യൊ​രു ഹൃ​ദ​യ​ബ​ന്ധം എ​ക്കാ​ല​വും​ ഞ​ങ്ങ​ൾ​ക്കി​ട​യി​ൽ ഉ​ണ്ടാ​യി​രു​ന്നു.

ഗം​ഗേ​ട്ട​ൻ മ​ദ്രാ​സി​ൽ വ​ന്നാ​ലും ഒ​രു​പ​ക്ഷേ, ആ​ദ്യം വി​ളി​ക്കു​ന്ന​ത്​ എ​ന്നെ​യാ​യി​രി​ക്കും അ​ല്ലെ​ങ്കി​ൽ, എ​ന്‍റെ ഭാ​ര്യ അ​ശ്വ​തി​യെ.

സു​ഖ​മി​ല്ലെ​ന്ന​റി​ഞ്ഞ്​ ര​ണ്ടു​മാ​സം മു​മ്പ്​ ഞാ​ൻ കോ​ഴി​ക്കോ​ട്ടെ വീ​ട്ടി​ൽ​ചെ​ന്ന്​ ഗം​ഗേ​ട്ട​നെ ക​ണ്ടി​രു​ന്നു. വ​ള​രെ സ​ന്തോ​ഷ​വാ​നാ​യി​രു​ന്നു അ​ദ്ദേ​ഹം. ഞ​ങ്ങ​ൾ ഒ​രു​പാ​ടു​നേ​രം സം​സാ​രി​ച്ചി​രു​ന്നു, ഓ​ർ​മ​ക​ൾ പ​ങ്കു​വെ​ച്ചു. പ​ക്ഷേ, ര​ണ്ടു​ മാ​സ​ത്തി​നു​ള്ളി​ൽ അ​ദ്ദേ​ഹം ഞ​ങ്ങ​ളെ വി​ട്ടു​പോ​കു​മെ​ന്ന്​ ഒ​രി​ക്ക​ലും ക​രു​തി​യി​ല്ല. എ​ന്‍റെ കു​ടും​ബ​ത്തി​ലെ ഏ​റ്റ​വും അ​ടു​ത്തൊ​രാ​ളു​ടെ വി​യോ​ഗ​ത്തെ​ക്കാ​ൾ സ​ങ്ക​ട​വും വേ​ദ​ന​യും ന​ൽ​കു​ന്ന​താ​ണ്​​ ഞ​ങ്ങ​ൾ​ക്കെ​ല്ലാ​വ​ർ​ക്കും ഈ ​വേ​ർ​പാ​ട്.

പ​റ​ഞ്ഞ​റി​യി​ക്കാ​ൻ ക​ഴി​യു​ന്ന​തി​നെ​ക്കാ​ളൊ​ക്കെ വ​ള​രെ മു​ക​ളി​ലാ​യി​രു​ന്നു​ അ​ദ്ദേ​ഹ​വു​മാ​യു​ള്ള​ ബ​ന്ധം. എ​നി​ക്കും എ​ന്‍റെ കു​ടും​ബ​ത്തി​നും അ​ള​വി​ല്ലാ​തെ ന​ൽ​കി​യ പി​ന്തു​ണ​യും സ്​​നേ​ഹ​വും ന​ന്ദി​യോ​ടെ ഓ​ർ​ത്തു​കൊ​ണ്ട്​ ഗം​ഗേ​ട്ട​ന്​ പ്ര​ണാ​മം.