ഗിരീഷ് വിജയൻ
കോട്ടയം: വയോധികയെ കൊലപ്പെടുത്താന് ശ്രമിച്ച കേസിൽ അയൽവാസി അറസ്റ്റിൽ. അകലക്കുന്നം വാഴപ്പള്ളി മോർക്കുളങ്ങര പുതുപ്പറമ്പിൽ ഗിരീഷ് വിജയനെയാണ് (ഗിരി -49) പള്ളിക്കത്തോട് പൊലീസ് അറസ്റ്റ് ചെയ്തത്. വീടിന് സമീപത്ത് താമസിച്ച തങ്കമ്മയെ (73) ഇയാൾ അക്രമിക്കുകയായിരുന്നു.
ഒറ്റക്ക് താമസിച്ച തങ്കമ്മയുടെ വീട്ടിൽ അതിക്രമിച്ചുകയറിയ ആയുധം ഉപയോഗിച്ച് തലയിലും നെറ്റിയിലും ഇടിക്കുകയും ചെയ്തു. ബഹളംകേട്ട് അയൽവാസികൾ ഓടിയെത്തിയപ്പോൾ ഇയാൾ രക്ഷപ്പെട്ടു. തുടർന്ന് അയൽവാസികൾ ചേർന്ന് വയോധികയെ ആശുപത്രിയിലെത്തിക്കുകയായിരുന്നു. പള്ളിക്കത്തോട് എസ്.എച്ച്.ഒ എസ്. പ്രദീപിന്റെ നേതൃത്വത്തിലുള്ള സംഘമാണ് അറസ്റ്റ് ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.