ഇസാസുല് ഹഖ്, സദാം ഹുസൈന്, റഷീദുല് ഇസ്ലാം
വളാഞ്ചേരി: ബ്രൗൺഷുഗറിന്റെ വൻ ശേഖരവുമായി മൂന്ന് അസം സ്വദേശികൾ പിടിയിൽ. 333 ഗ്രാം ബ്രൗൺഷുഗറുമായി അസം നാഗോൺ സ്വദേശികളായ സദാം ഹുസൈന് (32), ഇസാസുല് ഹഖ് ( 31), റഷീദുല് ഇസ്ലാം ( 32) എന്നിവരെയാണ് പൊലീസ് പിടികൂടിയത്. ജീപ്പില് രഹസ്യ അറയുണ്ടാക്കി അസമിൽനിന്ന് അതിൽ ബ്രൗൺഷുഗർ ഒളിപ്പിച്ചു കടത്തുകയായിരുന്നു.
ജീപ്പിന്റെ രഹസ്യ അറയിൽ ബ്രൗൺഷുഗർ ഒളിപ്പിച്ച നിലയിൽ
വളാഞ്ചേരി പൊലീസും ജില്ലാ പൊലീസ് മേധാവിയുടെ നേതൃത്വത്തിലുള്ള ഡാൻസാഫ് സ്ക്വാഡ് ഓപറേഷൻ തൂഫാന്റെ ഭാഗമായി നടത്തിയ പരിശോധനയിലാണ് തിങ്കളാഴ്ച പുലർച്ചെ വളാഞ്ചേരി - പട്ടാമ്പി റോഡിൽ കൊട്ടാരത്ത് വെച്ച് പ്രതികളെ പിടികൂടിയത്. തിരൂര് ഡിവൈ.എസ്.പി എ.എം. സിദ്ദീഖ്, നാര്കോട്ടിക് സെല് ഡിവൈ.എസ്.പി എന്.ഒ. സിബി, വളാഞ്ചേരി പൊലീസ് ഇന്സ്പെക്ടര് ആനന്ദ്ബാബു, പൊന്നാനി പൊലീസ് ഇന്സ്പെക്ടര് സതീഷ്കുമാര്, വളാഞ്ചേരി സബ് ഇന്സ്പെക്ടര് എം. നിര്മല് കൂടാതെ ജില്ലാ ഡാന്സാഫ് ടീമും ചേർന്നാണ് പ്രതികളെ പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.