മണ്ണാർക്കാട്: മധു വധക്കേസിൽ വിചാരണ നടപടി ജൂൺ എട്ടിന് പുനരാരംഭിക്കും. വിചാരണ നടപടികൾക്കിടെ പ്രതികൾക്കെതിരെ കൂടുതൽ വകുപ്പുകൾ ചേർക്കാനും ഡിജിറ്റൽ തെളിവുകൾ കോടതിയിൽ പ്രദർശിപ്പിക്കാനും സ്ഥലത്തിന്റെ മാപ് ചിത്രീകരിച്ച് പ്രദർശിപ്പിക്കാനും അനുമതി തേടി പ്രോസിക്യൂഷൻ പെറ്റീഷൻ നൽകിയതിനെ തുടർന്നാണ് വിചാരണ നടപടി നിർത്തിവെച്ചത്. കൂടുതൽ വകുപ്പുകൾ ചേർക്കണമെന്ന അപേക്ഷ പിന്നീട് പ്രോസിക്യൂഷൻ പിൻവലിച്ചിരുന്നു. മറ്റു രണ്ട് അപേക്ഷകളിൽ ഡിജിറ്റൽ തെളിവുകൾ പ്രദർശിപ്പിക്കാൻ നിബന്ധനകളോടെ അനുമതി നൽകിയ കോടതി സംഭവസ്ഥലം ചിത്രീകരിച്ച് പ്രദർശിപ്പിക്കാനുള്ള അപേക്ഷ നിരസിച്ചു. മണ്ണാർക്കാട് ജില്ല സ്പെഷൽ കോടതി ജഡ്ജി കെ.എ. രതീഷ് കുമാറാണ് കേസ് പരിഗണിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.