നെയ്യാറ്റിൻകര: ബാലരാമപുരത്ത് അജ്ഞാതൻ വയോധികയുടെ കാൽ തല്ലിയൊടിച്ചു. ബാലരാമപുരം തലയിൽ സ്വദേശി സാവിത്രിക്ക് (63) നേരെയാണ് ആക്രമണം ഉണ്ടായത്. ഇന്ന് രാവിലെ പാല് വാങ്ങാൻ പോകുമ്പോഴായിരുന്നു സംഭവം.
വീടിനു സമീപത്തെ സൊസൈറ്റിയിൽ പാൽ വാങ്ങാൻ പോകുകയായിരുന്ന സാവിത്രിയെ എതിരെ വന്ന അജ്ഞാതൻ ആക്രമിക്കുകയായിരുന്നു. കാൽ അടിച്ചൊടിച്ചു. ഇവരുടെ നിലവിളി കേട്ട് നാട്ടുകാർ ഓടി എത്തിയപ്പോഴേക്കും അക്രമി രക്ഷപ്പെട്ടിരുന്നു.
കാലിന് ഗുരുതരമായി പരിക്കേറ്റ സാവിത്രിയെ നെയ്യാറ്റിൻകര ജനറൽ ആശുപത്രിയിലും തുടർന്ന് മെഡിക്കൽ കോളജിലും പ്രവേശിപ്പിച്ചു. ബാലരാമപുരം പൊലീസ് കേസെടുത്ത് അന്വേഷണം തുടങ്ങി. പ്രദേശത്തെ സി.സി.ടി.വി ദൃശ്യങ്ങൾ കേന്ദ്രീകരിച്ചാണ് അന്വേഷണം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.