കോട്ടയം റെയിൽവേ സ്റ്റേഷനിൽനിന്ന് പിടിച്ചെടുത്ത കഞ്ചാവുമായി ഉദ്യോഗസ്ഥർ
കോട്ടയം: റെയിൽവേ സ്റ്റേഷൻ പ്ലാറ്റ്ഫോമിൽനിന്ന് 7.1കിലോ കഞ്ചാവ് പിടികൂടി. കോട്ടയം എക്സൈസ് സ്പെഷൽ സ്ക്വാഡ് ടീം, ആർ.പി.എഫ്, കോട്ടയം റെയിൽവേ പൊലീസ് എന്നിവർ സംയുക്തമായി നടത്തിയ പരിശോധനയിലാണ് ഇവ കണ്ടെടുത്തത്. ബാഗിൽ പ്ലാസ്റ്റിക്കിൽ പൊതിഞ്ഞ നിലയിലായിരുന്നു കഞ്ചാവ്. സംശയം തോന്നിയായിരുന്നു തെരച്ചിൽ. എന്നാൽ, കഞ്ചാവ് എത്തിച്ചയാളെ കണ്ടെത്താനായില്ല. പ്രതിയെ പിടികൂടുന്നതിന് അന്വേഷണം ഊർജിതമാക്കിയതായി എക്സൈസ് അറിയിച്ചു. ലഹരിവസ്തുക്കൾ കണ്ടെത്താനായി ട്രെയിനിലും പ്ലാറ്റ്ഫോമുകളിലും ദിവസങ്ങളായി സംയുക്ത പരിശോധന നടന്നുവരികയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.