തിരുവനന്തപുരം: ഓൾ ഇന്ത്യ സൈനിക് സ്കൂൾപ്രവേശന പരീക്ഷ (എ.ഐ.എസ്.എസ്.ഇ.ഇ) 2022ന് അപേക്ഷ ക്ഷണിച്ചു. ഒ.എം.ആർ രീതിയിൽ 2022 ജനുവരി ഒമ്പതിനായിരിക്കും പരീക്ഷ. രാജ്യത്തെ 33 സൈനിക് സ്കൂളുകളിലെ ആറ്, ഒമ്പത് ക്ലാസുകളിലേക്ക് വിദ്യർഥികൾക്ക് ഒക്ടോബർ 26 വരെ ഓൺലൈനായി അപേക്ഷിക്കാം.പെൺകുട്ടികൾക്ക് ആറാംക്ലാസിലേക്ക് മാത്രമായിരിക്കും പ്രവേശനം. സി/ എസ്.ടി വിഭാഗക്കാർക്ക് 400 രൂപയും മറ്റുള്ളവർക്ക് 550 രൂപയുമാണ് അപേക്ഷ ഫീസ്. പരീക്ഷ ഫീസ് പേമെൻറ് ഗേറ്റ് വേ മുഖേന ഡെബിറ്റ്/ ക്രെഡിറ്റ് കാർഡ് അല്ലെങ്കിൽ നെറ്റ് ബാങ്കിങ്/ പേ ടിഎം വാലറ്റ് ഉപയോഗിച്ച് അടക്കാവുന്നതാണ്.
ആറാം ക്ലാസിലേക്ക് അപേക്ഷിക്കുന്ന വിദ്യാർഥികൾ 10 നും 12 നും ഇടയിൽ പ്രായമുള്ളവരും, ക്ലാസ് ഒമ്പതിലേക്ക് അപേക്ഷിക്കുന്നവർ 13നും 15നും ഇടയിൽ പ്രായമുള്ളവരായിരിക്കണം. പരീക്ഷയുടെ സ്കീം, കാലാവധി, മാധ്യമം, സിലബസ്, സ്കൂളുകളുടെ പട്ടിക, സീറ്റ് സംവരണം, പരീക്ഷ കേന്ദ്രങ്ങൾ, പ്രധാന തീയതികൾ തുടങ്ങിയ വിവരങ്ങൾ www.nta.ac.in/https://aissee.nta.nic.in എന്ന വെബ്സൈറ്റിൽ ലഭ്യമാണ്. കൂടുതൽ വിവരങ്ങൾക്ക് എൻ.ടി.എ ഹെൽപ് ഡെസ്ക് 011-40759000 / 011- 69227700 എന്ന നമ്പറുമായോ, aissee@nta.ac.in എന്ന വെബ്സൈറ്റിലേക്ക് ബന്ധപ്പെടാം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.