രാജ്യത്തെ അംഗീകൃത സ്ഥാപനങ്ങളിൽ രണ്ടുവർഷ എം.ആർക് പ്രവേശനത്തിനായി കൗൺസിൽ ഓഫ് ആർക്കിടെക്ചർ 2026 ആഗസ്റ്റ് ഒമ്പതിന് ദേശീയതലത്തിൽ നടത്തുന്ന നാലാമത്/ അവസാന പോസ്റ്റ്ഗ്രാജ്വേറ്റ് എൻട്രൻസ് ടെസ്റ്റ് ഇൻ ആർക്കിടെക്ചർ (പി.ജി.ഇ.ടി.എ- 2026) പരീക്ഷയിൽ പങ്കെടുക്കുന്നതിനുള്ള രജിസ്ട്രേഷൻ ആരംഭിച്ചു.
ഫീസ്: 1750 രൂപ. എസ്.സി /എസ്.ടി/ഇ.ഡബ്ല്യു.എസ്/പി.ഡബ്ല്യു.ഡി വിഭാഗത്തിന് 1250 രൂപ, ട്രാൻസ്ജെൻഡർ വിഭാഗത്തിന് 1000 രൂപ. അപേക്ഷ: ആർക്കിടെക്ചർ (ബി.ആർക്) ബിരുദക്കാർക്കും അവസാന വർഷ വിദ്യാർഥികൾക്കും ടെസ്റ്റിന് അപേക്ഷിക്കാം. പ്രായപരിധിയില്ല. രജിസ്ട്രേഷൻ നടപടികൾ ആഗസ്റ്റ് നാലിന് അവസാനിക്കും.
വിശദവിവരങ്ങൾക്ക്: www.pgeta.in സന്ദർശിക്കാം. ഒരാൾക്ക് പരമാവധി മൂന്നു പ്രാവശ്യം പരീക്ഷ അഭിമുഖീകരിക്കാം. പ്രവേശനത്തിന് മികച്ച സ്കോറാണ് പരിഗണിക്കുക. കൗൺസിലിന്റെ അനുമതിയോടെ നടത്തുന്ന ആർക്കിടെക്ചർ പി.ജി കോഴ്സുകളുടെ പട്ടികയും പ്രവേശന നടപടിക്രമങ്ങളും www.coa.gov.inൽ ലഭിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.