കേന്ദ്ര സർവകലാശാലയായ ഹൈദരാബാദിലെ ദി ഇംഗ്ലീഷ് ആൻഡ് ഫോറിൻ ലാഗ്വേജസ് (EFL) യൂനിവേഴ്സിറ്റി 2021-22 വർഷത്തെ എം.എ ഇംഗ്ലീഷ് (ഡിസ്റ്റൻസ് മോഡ്) കോഴ്സ് പ്രവേശനത്തിന് അപേക്ഷകൾ ക്ഷണിച്ചു. അപേക്ഷ ഫോറവും വിശദവിവരങ്ങളും www.efluniversity.ac.in ൽനിന്ന് ഡൗൺലോഡ് ചെയ്യാം. ബാച്ചിലേഴ്സ് ബിരുദമാണ് പ്രവേശന യോഗ്യത.
നിശ്ചിത ഫോറത്തിൽ തയാറാക്കിയ അപേക്ഷ ബന്ധപ്പെട്ട രേഖകൾ സഹിതം The Dean, School of Distance Education, The English and Foreign Languages University, Hyderabad, 500007 എന്ന വിലാസത്തിൽ ഫെബ്രുവരി 10 നകം ലഭിക്കണം.
അപേക്ഷ പ്രോഗ്രാം ഫീസ്, ജനറൽ വിഭാഗം -6,160 രൂപ. SC/ST വിഭാഗം 3,740 രൂപ, ഭിന്നശേഷിക്കാർ (VHC/PHC) 1320 രൂപ. The Registrar, The EFL University, Hyderabad-ന് മാറ്റാവുന്ന ഡിമാൻഡ് ഡ്രാഫ്റ്റായി ഫീസ് നൽകാം. ഓൺലൈനായും ഫീസ് അടക്കാം. നിർദേശങ്ങൾ വിജ്ഞാപനത്തിലുണ്ട്. നാലു സെമസ്റ്ററുകളടങ്ങിയ രണ്ടുവർഷത്തെ കോഴ്സാണിത്.
പി.ജി.ഡി.എം കമ്യൂണിക്കേഷൻ മാനേജ്മെന്റ്
അഹ്മദാബാദിലെ മുദ്ര ഇൻസ്റ്റിറ്റ്യൂട്ട് ഓഫ് കമ്യൂണിക്കേഷൻ(മൈക്ക) 2022-24 വർഷം നടത്തുന്ന പി.ജി.ഡി.എം കമ്യൂണിക്കേഷൻ മാനേജ്മെന്റ പ്രോഗ്രാമിലേക്കുള്ള രണ്ടാമത് അഡ്മിഷൻ ടെസ്റ്റിൽ (MICAT-2) പങ്കെടുക്കുന്നതിന് അപേക്ഷ ഓൺലൈനായി ജനുവരി 16 വരെ സമർപ്പിക്കാം. ഇതു സംബന്ധിച്ച കൂടുതൽ വിവരങ്ങൾ www.mica.ac.in ൽ.
അഡ്വർടൈസിങ് ആൻഡ് ബ്രാൻഡ് മാനേജ്മെന്റ്, ഡിജിറ്റൽ കമ്മ്യൂണിക്കേഷൻ മാനേജ്മെന്റ്, മാർക്കറ്റിങ് അനലിറ്റിക്സ്, മീഡിയ ആൻഡ് എന്റർടെയിൻമെന്റ് മാനേജ്മെന്റ് എന്നിവയാണ് PGDM-C സ്പെഷലൈസേഷനുകൾ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.