ന്യൂഡൽഹി: മെഡിക്കൽ, ഡെൻറൽ ബിരുദ കോഴ്സുകൾക്ക് പ്രവേശനത്തിനുള്ള ദേശീയ യോഗ്യത പ രീക്ഷയായ ‘നീറ്റി’ന് അപേക്ഷ നൽകാനുള്ള കാലാവധി സുപ്രീംകോടതി ഒരാഴ്ച കൂടി നീട്ടി.
25 വയസ്സിൽ കൂടുതലുള്ളവർക്കും ഇൗ വർഷം അപേക്ഷ നൽകാമെന്ന് വ്യക്തമാക്കിയ സുപ്രീംകോടതി അവരുടെ പ്രവേശനം കേസിലെ അന്തിമ വിധിയെ ആശ്രയിച്ചിരിക്കുമെന്ന് കൂട്ടിച്ചേർത്തു. അപേക്ഷ സമർപ്പിക്കാനുള്ള സമയപരിധി നവംബർ 30ന് അവസാനിക്കാനിരിക്കുകയായിരുന്നു. നീറ്റ് എഴുതുന്നതിനുള്ള പ്രായപരിധിയായി 25 വയസ്സ് ആക്കി നിജപ്പെടുത്തിയ സി.ബി.എസ്.ഇ നടപടിക്കെതിരെ സമർപ്പിച്ച ഹരജി പരിഗണിക്കുകയായിരുന്നു സുപ്രീംകോടതി.
www.nta.ac.in എന്ന ഒൗദ്യോഗിക വെബ്സൈറ്റിലൂടെ ഒാൺലൈനായി അപേക്ഷ സമർപ്പിക്കാം. അടുത്ത വർഷം മേയ് അഞ്ചിന് ഉച്ചക്കുശേഷം രണ്ടു മണി മുതൽ അഞ്ചു മണി വരെയാണ് നീറ്റ് പരീക്ഷ. അഡ്മിറ്റ് കാർഡ് ഏപ്രിൽ 15 മുതൽ ഡൗൺലോഡ് ചെയ്യാം. നവംബർ ഒന്നിന് പുറപ്പെടുവിച്ച നീറ്റ് പരീക്ഷക്കുള്ള വിജ്ഞാപനത്തിലാണ് പരമാവധി പ്രായം 25 വയസ്സായി നിജപ്പെടുത്തിയത്. 2019 മേയ് അഞ്ചിന് 25 വയസ്സാകുന്നവർ യോഗ്യത പരീക്ഷക്ക് അർഹരല്ല എന്നും വിജ്ഞാപനത്തിലുണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.