സ്വർണ വില വീണ്ടും കൂടി

കൊച്ചി: സംസ്ഥാനത്ത് സ്വർണവില വീണ്ടും വർധിച്ചു. ഗ്രാമിന് 20 രൂപ കൂടി 4950 രൂപയായി. പവന് 160 വർധിച്ച് 39,600 ആയി. നിക്ഷേപകർ നഷ്ടസാധ്യതയുള്ള ആസ്തികളിൽ നിക്ഷേപിക്കാൻ മടിക്കുന്നത് സ്വർണത്തിന് ഗുണകരമാവുന്നുണ്ട്.

മൾട്ടി കമ്മോഡിറ്റി എക്സ്ചേഞ്ചിൽ സ്വർണത്തിന്റെ ഭാവില വില 121 രൂപ ഉയർന്നു. 0.23 ശതമാനം നേട്ടമാണുണ്ടായത്. സ്‍പോട്ട് ഗോൾഡിന്റെ വില 0.1 ശതമാനം ഉയർന്ന് ഔൺസിന് 1,773.17 ഡോളറായി വർധിച്ചു. ആഗോള സാമ്പത്തിക രംഗത്ത് തിരിച്ചടിയുണ്ടായതോടെയാണ് നിക്ഷേപകർ സുരക്ഷിത നിക്ഷേപം പരിഗണിച്ചത്. ഇതോടെ സ്വർണത്തിലേക്ക് കൂടുതൽ നിക്ഷേപം എത്തുകയും വില വർധിപ്പിക്കുകയുമായിരുന്നു.

അതേസമയം, ആർ.ബി.ഐ വായ്പ പലിശനിരക്കുകൾ വീണ്ടും ഉയർത്തി. റിപ്പോ നിരക്കിൽ 0.35 ബേസിക് പോയിന്റ് വർധനയാണ് വരുത്തിയത്. ഇതോടെ റിപ്പോ നിരക്ക് 6.25 ശതമാനമായി ഉയർന്നു.