ന്യൂഡൽഹി: ആധാറും പാൻ കാർഡും തമ്മിൽ ബന്ധിപ്പിക്കാനുള്ള അവസാന തീയതി നീട്ടി ആദായ നികുതി വകുപ്പ്. 2021 ജൂൺ 30ന് മുമ്പ് ആധാറും പാൻ കാർഡും തമ്മിൽ ബന്ധിപ്പിച്ചാൽ മതിയാകും. കോവിഡിന്റെ പശ്ചാത്തലത്തിലാണ് തീരുമാനം.
നേരത്തെ 2021 മാർച്ച് 31 ആയിരുന്നു ഇരു കാർഡുകളും തമ്മിൽ ബന്ധിപ്പിക്കാനുള്ള അവസാന തീയതി. അവസാന ദിവസം ആദായ നികുതി വെബ്സൈറ്റ് തകരാറിലായത് ജനങ്ങളെ വലിയ രീതിയിൽ ആശങ്കയിലാക്കിയിരുന്നു.
പാൻകാർഡും ആധാർ കാർഡും നിശ്ചിത സമയത്തിനുള്ളിൽ ലിങ്ക് ചെയ്തില്ലെങ്കിൽ 1000 രൂപ പിഴയൊടുക്കണമെന്നാണ് ചട്ടം. കേന്ദ്രസർക്കാർ ലോക്സഭയിൽ അവതരിപ്പിച്ച ധനകാര്യ ബില്ലിൽ ഇതുസംബന്ധിച്ച പരാമർശമുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.