കിയവ്​ വളഞ്ഞ് റഷ്യൻ സേന

കി​യ​വ്: ലോ​ക ജ​ന​ത​യെ ച​കി​ത​രാ​ക്കി യു​ക്രെ​യ്നു​മേ​ൽ റ​ഷ്യ ന​ട​ത്തി​യ ക​ട​ന്നാ​ക്ര​മ​ണ​ത്തി​ന്റെ ര​ണ്ടാം​ദി​നം ത​ല​സ്ഥാ​ന ന​ഗ​രി​യാ​യ കി​യ​വ് വീ​ഴാ​നൊ​രു​ങ്ങു​ന്നു. യു​ക്രെ​യ്ന്റെ ഭ​ര​ണ-​സൈ​നി​ക-​ജ​ന​വാ​സ കേ​ന്ദ്ര​ങ്ങ​ൾ​ക്കു​നേ​രെ വെ​ള്ളി​യാ​ഴ്ച വ്യോ​മാ​ക്ര​മ​ണം ന​ട​ത്തി​യ റ​ഷ്യ​ൻ ക​ര​സേ​ന കി​യ​വി​ലേ​ക്ക് ക​ട​ന്നു​ക​യ​റി​ത്തു​ട​ങ്ങി​യെ​ന്ന് അ​ന്താ​രാ​ഷ്ട്ര മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്തു. ത​ല​സ്ഥാ​ന ന​ഗ​രി​യി​ലെ പ്ര​ധാ​ന വി​മാ​ന​ത്താ​വ​ള​വും പി​ടി​ച്ചു. ത​ല​സ്ഥാ​ന ന​ഗ​രി​യി​ൽ വെ​ള്ളി​യാ​ഴ്ച ഒ​ട്ടേ​റെ സ്ഫോ​ട​ന​ങ്ങ​ളു​ണ്ടാ​യി. നി​ര​വ​ധി ജ​ന​വാ​സ കേ​ന്ദ്ര​ങ്ങ​ൾ​ക്കു നേ​രെ ആ​ക്ര​മ​ണ​മു​ണ്ടാ​യി​ട്ടു​ണ്ട്. വ്യോ​മാ​ക്ര​മ​ണ​ങ്ങ​ളി​ൽ​നി​ന്ന് ര​ക്ഷ​തേ​ടി കി​യ​വി​ൽ ഒ​ട്ടേ​റെ പേ​ർ ഭൂ​ഗ​ർ​ഭ ​മെ​ട്രോ സ്റ്റേ​ഷ​നു​ക​ളി​ൽ അ​ഭ​യം തേ​ടി. പ്ര​തി​സ​ന്ധി ച​ർ​ച്ച​ക​ളി​ലൂ​ടെ പ​രി​ഹ​രി​ക്കാ​ൻ റ​ഷ്യ​ക്ക് പി​ന്തു​ണ ന​ൽ​കു​ന്ന​താ​യി ചൈ​ന അ​റി​യി​ച്ചു.

സാ​ധാ​ര​ണ പൗ​ര​ന്മാ​ര​ട​ക്കം 137 പേ​ർ കൊ​ല്ല​പ്പെ​ട്ട​താ​യി അ​റി​യി​ച്ച യു​ക്രെ​യ്ൻ പ്ര​സി​ഡ​ന്റ് വൊ​​ളോ​ദി​മി​ർ സെ​ല​ൻ​സ്കി, ജ​ന​ങ്ങ​ൾ കൊ​ല്ല​പ്പെ​ടു​ന്ന​ത് ഒ​ഴി​വാ​ക്കാ​ൻ ച​ർ​ച്ച​ക്ക് ത​യാ​റാ​ണെ​ന്ന് റ​ഷ്യ​യെ അ​റി​യി​ച്ചു. എ​ന്നാ​ൽ, യു​ക്രെ​യ്ൻ സേ​ന ആ​യു​ധം താ​ഴെ​വെ​ച്ചാ​ൽ മാ​ത്ര​മേ ച​ർ​ച്ച​യു​ടെ വാ​തി​ൽ തു​റ​ക്കൂ എ​ന്ന് റ​ഷ്യ പ്ര​തി​ക​രി​ച്ചു. ക​രി​ങ്ക​ട​ലി​ലെ സ്മി​നി ദ്വീ​പ് കീ​ഴ​ട​ക്കി​യ​താ​യും റ​ഷ്യ അ​വ​കാ​ശ​പ്പെ​ട്ടു. പി​ടി​ച്ചെ​ടു​ത്ത ചെ​ർ​ണോ​ബി​ൽ ആ​ണ​വ​കേ​ന്ദ്ര​ത്തി​ൽ ത​ങ്ങ​ളു​ടെ സൈ​ന്യ​ത്തെ വി​ന്യ​സി​ച്ച​താ​യും അ​വ​ർ അ​റി​യി​ച്ചു. കി​യ​വി​നു​മേ​ൽ കൂ​ടു​ത​ൽ ആ​​ക്ര​മ​ണം ന​ട​ത്താ​ൻ റ​ഷ്യ, അ​യ​ൽ​രാ​ജ്യ​മാ​യ ബെ​ല​റൂ​സി​ൽ കൂ​ടു​ത​ൽ സേ​ന​യെ ഒ​രു​ക്കു​ക​യാ​ണെ​ന്നാ​ണ് റി​പ്പോ​ർ​ട്ട്. റ​ഷ്യ​യു​ടെ ര​ണ്ട് സൈ​നി​ക ഹെ​ലി​കോ​പ്ട​റു​ക​ളും ഏ​ഴ് യു​ദ്ധ വി​മാ​ന​ങ്ങ​ളും വെ​ടി​വെ​ച്ചി​ട്ട​താ​യി യു​ക്രെ​യ്ൻ അ​വ​കാ​ശ​പ്പെ​ട്ടു.

യു.​എ​സ് 'നാ​റ്റോ'​യു​ടെ അ​ടി​യ​ന്ത​ര യോ​ഗം വി​ളി​ച്ചി​രി​ക്കു​ക​യാ​ണ്. റ​ഷ്യ​യെ ത​ട​ഞ്ഞു​നി​ർ​ത്താ​ൻ കൂ​ടു​ത​ൽ ക​ടു​ത്ത സാ​മ്പ​ത്തി​ക ഉ​പ​രോ​ധ നീ​ക്ക​ങ്ങ​ൾ​ക്ക് യു.​എ​സും യൂ​റോ​പ്യ​ൻ രാ​ജ്യ​ങ്ങ​ളും നീ​ക്കം തു​ട​ങ്ങി. യു​ക്രെ​യ്നെ 'നാ​റ്റോ' സൈ​നി​ക സ​ഖ്യ​ത്തി​ൽ ചേ​ർ​ക്കാ​നു​ള്ള യു.​എ​സ്-​യൂ​റോ​പ്യ​ൻ നീ​ക്കം ചൂ​ണ്ടി​ക്കാ​ണി​ച്ച്, മാ​സ​ത്തോ​ളം നീ​ണ്ട ഭീ​ഷ​ണി​ക്കൊ​ടു​വി​ൽ വ്യാ​ഴാ​ഴ്ച രാ​വി​ലെ​യാ​ണ് റ​ഷ്യ ആ​ക്ര​മ​ണം ആ​രം​ഭി​ച്ച​ത്. ഇ​ന്ത്യ​യ​ട​ക്ക​മു​ള്ള വി​ദേ​ശ​രാ​ജ്യ​ങ്ങ​ളി​ലെ പൗ​ര​ൻ​മാ​ർ​ക്ക് സു​ര​ക്ഷി​ത മാ​ർ​ഗ​മൊ​രു​ക്കു​ന്ന​തി​ന് അ​യ​ൽ രാ​ജ്യ​മാ​യ ഹം​ഗ​റി 'മാ​നു​ഷി​ക ഇ​ട​നാ​ഴി' തു​റ​ന്നു. ഇ​തി​നി​ടെ, യു​ക്രെ​യ്ൻ വി​ഷ​യ​ത്തി​ൽ ഐ​ക്യ​രാ​ഷ്ട്ര​സ​ഭ​യി​ൽ ത​ങ്ങ​ളെ പി​ന്തു​ണ​ക്ക​ണ​മെ​ന്ന് റ​ഷ്യ ഇ​ന്ത്യ​യോ​ട് ആ​വ​ശ്യ​പ്പെ​ട്ടു.

ഒ​രു ല​ക്ഷ​ത്തി​ലേ​റെ പേ​ർ കി​ട​പ്പാ​ടം വി​ട്ടി​റ​ങ്ങേ​ണ്ടി വ​ന്നി​ട്ടു​ണ്ടെ​ന്നും ആ​യി​ര​ക്ക​ണ​ക്കി​ന് ആ​ളു​ക​ൾ അ​യ​ൽ യൂ​റോ​പ്യ​ൻ രാ​ജ്യ​ങ്ങ​ളി​ലേ​ക്ക് ഒ​ഴു​കു​ക​യാ​ണെ​ന്നും ഐ​ക്യ​രാ​ഷ്ട്ര​സ​ഭ അ​ഭ​യാ​ർ​ഥി​കാ​ര്യ ഏ​ജ​ൻ​സി വ്യ​ക്ത​മാ​ക്കി. ഇ​തി​നി​ടെ, പു​ടി​ന്റെ ഏ​കാ​ധി​പ​ത്യ ഭ​ര​ണ​കൂ​ട ഭീ​ഷ​ണി വ​ക​വെ​ക്കാ​തെ യു​ക്രെ​യ്ൻ ആ​ക്ര​മ​ണ​ത്തെ അ​പ​ല​പി​ച്ച് ആ​യി​ര​ക്ക​ണ​ക്കി​ന് റ​ഷ്യ​ക്കാ​ർ, മോ​സ്കോ​യി​ല​ട​ക്കം രാ​ജ്യ​ത്തി​ന്റെ വി​വി​ധ ഭാ​ഗ​ങ്ങ​ളി​ൽ തെ​രു​വി​ലി​റ​ങ്ങി. ഒ​ട്ടേ​റെ പേ​ർ അ​റ​സ്റ്റി​ലാ​യി​ട്ടു​ണ്ട്. ജ​നാ​ധി​പ​ത്യ​പ​ര​മാ​യി തെ​ര​​ഞ്ഞെ​ടു​ക്ക​പ്പെ​ട്ട സ​ർ​ക്കാ​റി​നെ അ​ട്ടി​മ​റി​ച്ച് ആ​ധി​പ​ത്യം സ്ഥാ​പി​ക്കാ​നു​ള്ള റ​ഷ്യ​ൻ പ്ര​സി​ഡ​ന്റ് വ്ലാ​ദി​മി​ർ പു​ടി​ന്റെ നീ​ക്കം ചെ​റു​ക്കാ​ൻ അ​ന്താ​രാ​ഷ്ട്ര സ​മൂ​ഹം ത​ങ്ങ​ളെ സ​ഹാ​യി​ക്ക​ണ​മെ​ന്ന് യു​ക്രെ​യ്ൻ പ്ര​സി​ഡ​ന്റ് ആ​വ​ർ​ത്തി​ച്ച് ആ​വ​ശ്യ​പ്പെ​ട്ടു.

''അ​ധി​നി​വേ​ശ​ത്തി​നെ​തി​രെ എ​ല്ലാ ശ​ക്തി​യും ഉ​പ​യോ​ഗി​ച്ച് പൊ​രു​താ​ൻ ന​മ്മു​ടെ സേ​ന​യോ​ട് ആ​ഹ്വാ​നം ചെ​യ്യു​ക​യാ​ണ്. ന​മു​ക്ക് നാം ​മാ​ത്ര​മാ​ണു​ള്ള​ത്'' - സെ​ല​ൻ​സ്കി പ്ര​ഖ്യാ​പി​ച്ചു.