മത വിദ്വേഷം തടയൽ: ഒരുമിച്ച നീക്കവുമായി ഇസ്‍ലാമിക് രാജ്യങ്ങൾ

കു​വൈ​ത്ത് സി​റ്റി: മ​ത വി​ദ്വേ​ഷം, മ​ത​പ​ര​മാ​യ വി​ശു​ദ്ധി​ക​ൾ ന​ശി​പ്പി​ക്ക​ൽ എ​ന്നി​വ​ക്കെ​തി​രെ ഇ​ട​പെ​ട​ണ​മെ​ന്നാ​വ​ശ്യ​പ്പെ​ട്ട് ഇ​സ്‍ലാ​മി​ക് രാ​ജ്യ​ങ്ങ​ൾ ഐ​ക്യ​രാ​ഷ്ട്ര​സ​ഭ​യു​ടെ മ​നു​ഷ്യാ​വ​കാ​ശ കൗ​ൺ​സി​ലി​നെ (യു.​എ​ൻ.​എ​ച്ച്.​ആ​ർ.​സി) സ​മീ​പി​ക്കു​ന്നു.ഇ​തി​ന്റെ ഭാ​ഗ​മാ​യി യു.​എ​ൻ.​എ​ച്ച്.​ആ​ർ.​സി മു​മ്പാ​കെ ഇ​സ്‍ലാ​മി​ക് രാ​ജ്യ​ങ്ങ​ൾ പ്ര​ത്യേ​ക പ്ര​മേ​യം അ​വ​ത​രി​പ്പി​ക്കും. വി​വേ​ച​നം, ശ​ത്രു​ത, അ​ക്ര​മം എ​ന്നി​വ​യു​ടെ അ​ടി​സ്ഥാ​ന​ത്തി​ലു​ള്ള എ​ല്ലാ​ത്ത​രം മ​ത വി​ദ്വേ​ഷ​ങ്ങ​ളും ഇ​ല്ലാ​താ​ക്കാ​നാ​ണ് പ്ര​മേ​യം ല​ക്ഷ്യ​മി​ടു​ന്ന​തെ​ന്ന് യു.​എ​ന്നി​ലെ​യും ജ​നീ​വ​യി​ലെ മ​റ്റ് അ​ന്താ​രാ​ഷ്ട്ര സം​ഘ​ട​ന​ക​ളി​ലെ​യും കു​വൈ​ത്തി​ന്റെ സ്ഥി​രം പ്ര​തി​നി​ധി അം​ബാ​സ​ഡ​ർ നാ​സ​ർ അ​ൽ ഹെ​യ്‌​ൻ വ്യ​ക്ത​മാ​ക്കി.

പ്ര​മേ​യ​ത്തി​ന്റെ ക​ര​ട് ത​യാ​റാ​ക്കു​ന്ന​തി​ൽ കു​വൈ​ത്തും പ​ങ്കാ​ളി​ക​ളാ​ണ്. ചൊ​വ്വാ​ഴ്ച യു.​എ​ൻ.​എ​ച്ച്.​ആ​ർ.​സി​ക്ക് മു​മ്പാ​കെ പ​ദ്ധ​തി ച​ർ​ച്ച ചെ​യ്യു​മെ​ന്നും മ​നു​ഷ്യാ​വ​കാ​ശ​ങ്ങ​ളു​ടെ സാ​ർ​വ​ത്രി​ക പ്ര​ഖ്യാ​പ​നം, പൗ​ര-​രാ​ഷ്ട്രീ​യ അ​വ​കാ​ശ​ങ്ങ​ൾ സം​ബ​ന്ധി​ച്ച അ​ന്താ​രാ​ഷ്ട്ര ഉ​ട​മ്പ​ടി, എ​ല്ലാ​ത്ത​രം വം​ശീ​യ വി​വേ​ച​ന​ങ്ങ​ളും ഇ​ല്ലാ​താ​ക്കു​ന്ന​തി​നു​ള്ള അ​ന്താ​രാ​ഷ്ട്ര ക​ൺ​വെ​ൻ​ഷ​ൻ എ​ന്നി​വ ന​ട​പ്പാ​ക്കേ​ണ്ട​തി​ന്റെ പ്രാ​ധാ​ന്യം ആ​വ​ർ​ത്തി​ക്കു​മെ​ന്നും നാ​സ​ർ അ​ൽ ഹെ​യ്‌​ൻ കൂ​ട്ടി​ച്ചേ​ർ​ത്തു.

ഇ​സ്‌​ലാ​മി​ക രാ​ജ്യ​ങ്ങ​ൾ​ക്കി​ട​യി​ൽ ഏ​ക​ക​ണ്ഠ​മാ​യ ക​രാ​റു​ണ്ടെ​ന്നും അ​വ​ഹേ​ള​ന സം​ഭ​വ​ങ്ങ​ളു​ടെ അ​പ​ക​ട​ങ്ങ​ളെ​ക്കു​റി​ച്ച് പൊ​തു​വാ​യ അ​റി​വു​ണ്ടെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി. സി​വി​ൽ, പൊ​ളി​റ്റി​ക്ക​ൽ റൈ​റ്റ്സ് സം​ബ​ന്ധി​ച്ച അ​ന്താ​രാ​ഷ്ട്ര ഉ​ട​മ്പ​ടി​യു​ടെ ആ​ർ​ട്ടി​ക്കി​ൾ 19, 20 എ​ന്നി​വ​യി​ൽ വ്യ​ക്ത​മാ​ക്കി​യി​ട്ടു​ള്ള അ​ഭി​പ്രാ​യ സ്വാ​ത​ന്ത്ര്യ​ത്തി​നു​ള്ള അ​വ​കാ​ശം വി​നി​യോ​ഗി​ക്കു​ന്ന​തി​ന് പ്ര​ത്യേ​ക ക​ട​മ​ക​ളും ഉ​ത്ത​ര​വാ​ദി​ത്ത​ങ്ങ​ളും ഉ​ണ്ടെ​ന്ന് അ​ദ്ദേ​ഹം കൂ​ട്ടി​ച്ചേ​ർ​ത്തു.