ആശങ്ക ശക്തം; ബാ​ലി​സ്റ്റി​ക് മി​സൈ​ൽ വിക്ഷേപിച്ച് ഉത്തര കൊറിയ

സോ​ൾ: യു.​എ​സു​മാ​യി ചേ​ർ​ന്ന് ദ​ക്ഷി​ണ കൊ​റി​യ സം​യു​ക്ത സൈ​നി​ക അഭ്യാസ പ്ര​ക​ട​ന​ങ്ങ​ൾ​ക്ക് തു​ട​ക്കം കു​റി​ച്ച​തി​ന് പി​ന്നാ​ലെ ക​ട​ലി​​ലേ​ക്ക് നി​ര​വ​ധി ബാ​ലി​സ്റ്റി​ക് മി​സൈ​ലു​ക​ൾ വി​ക്ഷേ​പി​ച്ച് ഉ​ത്ത​ര കൊ​റി​യ. ഉ​ത്ത​ര കൊ​റി​യ​യു​ടെ ഹ്വാ​ങ്ഹെ പ്ര​വി​ശ്യ​യി​ൽ​നി​ന്നാ​ണ് മി​സൈ​ലു​ക​ൾ വി​ക്ഷേ​പി​ച്ച​തെ​ന്ന് ക​ണ്ടെ​ത്തി​യ​താ​യി ദ​ക്ഷി​ണ കൊ​റി​യ​യു​ടെ ജോ​യ​ന്റ് ചീ​ഫ് ഓ​ഫ് സ്റ്റാ​ഫ് അ​റി​യി​ച്ചു. കൂ​ടു​ത​ൽ വി​വ​ര​ങ്ങ​ൾ പു​റ​ത്തു​വ​ന്നി​ട്ടി​ല്ല.

മേ​ഖ​ല സം​ഘ​ർ​ഷാ​വ​സ്ഥ​വ​യി​​ലേ​ക്ക് നീ​ങ്ങു​ന്ന​തി​നി​ടെ ഈ ​വ​ർ​ഷം ഉ​ത്ത​ര കൊ​റി​യ ന​ട​ത്തു​ന്ന അ​ഞ്ചാ​മ​ത്തെ മി​സൈ​ൽ വി​ക്ഷേ​പ​ണ​മാ​ണി​ത്. 11 ദി​വ​സം നീ​ണ്ടു​നി​ൽ​ക്കു​ന്ന യു.​എ​സ്-​ദ​ക്ഷി​ണ കൊ​റി​യ സം​യു​ക്ത വാ​ർ​ഷി​ക സൈ​നി​ക പ​രി​ശീ​ല​ന​മാ​യ ഫ്രീ​ഡം ഷീ​ൽ​ഡി​ന് തി​ങ്ക​ളാ​ഴ്ച​യാ​ണ് തു​ട​ക്കം കു​റി​ച്ച​ത്. ക​ഴി​ഞ്ഞാ​ഴ്ച ദ​ക്ഷി​ണ കൊ​റി​യ​ൻ വ്യോ​മ​സേ​ന​യു​ടെ വി​മാ​ന​ങ്ങ​ൾ അ​ഭ്യാ​സ പ്ര​ക​ട​ന​ങ്ങ​ൾ​ക്കി​ടെ അ​ബ​ദ്ധ​ത്തി​ൽ ബോം​ബി​ട്ട​തി​നാ​ൽ 30 ഗ്രാ​മീ​ണ​ർ​ക്ക് പ​രി​ക്കേ​റ്റി​രു​ന്നു. സം​യു​ക്ത പ​രി​ശീ​ല​നം പ്ര​കോ​പ​ന​പ​ര​മാ​യ നീ​ക്ക​മാ​ണെ​ന്നും മേ​ഖ​ല​യെ ഏ​റ്റു​മു​ട്ട​ലി​ലേ​ക്ക് ന​യി​ക്കു​മെ​ന്നും ഉ​ത്ത​ര കൊ​റി​യ നേ​ര​ത്തേ മു​ന്ന​റി​യി​പ്പ് ന​ൽ​കി​യി​ട്ടു​ണ്ട്.