ഹോങ്കോങ്: ലോകത്ത് ഏറ്റവും ദീർഘകാലം ഡിസ്ക് ജോക്കി (ഡി.ജെ) ആയിരുന്ന റേ കോർഡെറോ (98) അന്തരിച്ചു. ആറ് പതിറ്റാണ്ടായി ഡി.ജെ ആയി പ്രവർത്തിച്ചിരുന്ന റേ കോർഡെറോ, ഹോങ്കോങ് റേഡിയോ ടെലിവിഷനിൽ ജോലി ചെയ്യുന്നതിനിടെ ബീറ്റിൽസ് അടക്കം സംഗീത ഗ്രൂപ്പുകളെയും വ്യക്തികളെയും അഭിമുഖം നടത്തുകയും ചെയ്തു.
1924ൽ പോർച്ചുഗീസ് വംശജനായി ഹോങ്കോങ്ങിലാണ് ജനനം. ലോകത്ത് ഏറ്റവും കൂടുതൽ കാലം ഡി.ജെയായതിന് ഗിന്നസ് ബുക്കിൽ ഇദ്ദേഹം ഇടംനേടി.
ജയിൽ വാർഡനായും ബാങ്ക് ഗുമസ്തനായും ജോലി ചെയ്തശേഷം 1960ൽ ഹോങ്കോങ് റേഡിയോ ടെലിവിഷനിൽ ജോലിയിൽ കയറി. 51 വർഷം ആർ.ടി.എച്ച്.കെ റേഡിയോ-3ൽ ‘ഓൾ ദ വേ വിത്ത് റേ’ സംഗീത ഷോയും അവതരിപ്പിച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.