മെല്ബണ്: ആസ്ട്രേലിയയിലെ കാന്ബറ സര്വകലാശാലയുടെ പുതിയ വൈസ് ചാന്സലറായി പ്രശസ്ത ഇന്ത്യന് പണ്ഡിതനും പ്ളാന്റ് ഫിസിയോളജിസ്റ്റുമായ എച്ച്. ദീപ് സൈനി നിയമിതനായി. 60കാരനായ സൈനി നിലവില് കാനഡയിലെ ടൊറന്േറാ സര്വകലാശാല വൈസ് പ്രസിഡന്റും സര്വകലാശാലക്കു കീഴിലെ മിസിസോഗ കാമ്പസ് പ്രിന്സിപ്പലുമാണ്. ഒമ്പതുവര്ഷത്തെ സേവനത്തിനുശേഷം ഈ ജൂലൈയില് സ്ഥാനമൊഴിയുന്ന വി.സി സ്റ്റെഫന് പാര്ക്കറുടെ ഒഴിവിലാണ് അഞ്ചാമത്തെ വൈസ് ചാന്സലറായി സൈനിയെ നിയമിച്ചത്. ഇദ്ദേഹം സെപ്റ്റംബറില് സ്ഥാനമേല്ക്കും. പഞ്ചാബിലെ ലുധിയാന കാര്ഷിക സര്വകലാശാലയില്നിന്നാണ് സൈനി ബിരുദവും ബിരുദാനന്തര ബിരുദവും കരസ്ഥമാക്കിയത്. അഡ്ലെയ്ഡ് സര്വകലാശാലയില്നിന്ന് പ്ളാന്റ് ഫിസിയോളജിയില് ഡോക്ടറേറ്റ് നേടി. എലിസബത്ത് രാജ്ഞി ഡയമണ്ട് ജൂബിലി മെഡല് ഉള്പ്പെടെ നിരവധി അംഗീകാരങ്ങള് ലഭിച്ചിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.