സാൻ ഫ്രാൻസിസ്കോ: ഒാൺലൈൻ ടാക്സി സേവനരംഗത്തെ പ്രമുഖരായ ഉബർ ഉപഭോക്താക്കളുടെ സ്വകാര്യവിവരങ്ങൾ ഹാക്കർമാർ ചോർത്തി. 5.7 കോടി ഉബർ ടാക്സി ഡ്രൈവർമാരുടെയും ഉപഭോക്താക്കളുടെയും വിവരങ്ങളാണ് കഴിഞ്ഞവർഷം ഹാക്കർമാർ ചോർത്തിയതെന്ന് ഉബർ സി.ഇ.ഒ ഡാറ ഖോസ്റോവ് ഷാഹി പറഞ്ഞു.
ഉപഭോക്താക്കളുടെ പേര്, ഇ-മെയിൽ വിലാസം, മൊബൈൽ ഫോൺ നമ്പർ എന്നിവയും 6,00,000 ഡ്രൈവർമാരുടെ പേരുവിവരങ്ങളും ഡ്രൈവിങ് ലൈസൻസ് രേഖകളുമാണ് ചോർത്തിയത്. ഹാക്കർമാർ വിവരങ്ങൾ ചോർത്തിയത് കഴിഞ്ഞവർഷം തന്നെ കണ്ടെത്തി പ്രശ്നം പരിഹരിച്ചെങ്കിലും കമ്പനി രഹസ്യമാക്കി വെക്കുകയായിരുന്നു. തെറ്റുസമ്മതിച്ച ഉബർ ഉപഭോക്താക്കളുടെ വിവരങ്ങൾ സുരക്ഷിതമാക്കാൻ നടപടി സ്വീകരിച്ചിട്ടുണ്ട്.
അതേസമയം, ഹാക്കർമാർക്ക് ചോർത്തിയെടുത്ത വിവരങ്ങൾ നശിപ്പിക്കുന്നതിനായി ഉബർ 100000 ഡോളർ കൈമാറിയതായും വിവരങ്ങളുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.