ന്യൂയോർക്ക്: ഇന്ത്യൻ-അമേരിക്കൻ അഭിഭാഷക ഷിറീൻ മാത്യൂസിനെ യു.എസ് പ്രസിഡൻറ് ഡോണൾഡ് ട്രംപ് ഫെഡറൽ ജഡ്ജ് ആയി നാമനിർദേശം ചെയ്തു. ജോൺസ് ഡേ എന്ന നിയമ സ്ഥാപനത്തിൻെറ പങ്കാളിയാണ് ഷിറീൻ മാത്യൂസ്. ഉദ്യോഗസ്ഥ തലങ്ങളിലെ കുറ്റകൃത്യങ്ങളിലാണ് ഷിറീൻ ശ്രദ്ധ കേന്ദ്രീകരിച്ചത്. നേരത്തെ കാലിഫോർണിയയിൽ അസിസ്റ്റൻറ് ഫെഡറൽ പ്രോസിക്യൂട്ടറായിരുന്നു.
കഴിഞ്ഞ ബുധനാഴ്ചയാണ് സതേൺ കാലിഫോർണിയയിലെ സാൻ ഡിയെഗോയിലെ സതേൺ ജില്ലാ ഫെഡറൽ കോടതിയിലേക്ക് വൈറ്റ് ഹൗസ് ഷിറീൻ മാത്യൂസിനെ നാമനിർദേശം ചെയ്തത്. നിയമനത്തിന് ഇനി സെനറ്റിൻെറ അംഗീകാരം ആവശ്യമാണ്. വിവിധ തലത്തിൽപെട്ട ഫെഡറൽ ജുഡീഷ്യറിയിലേക്ക് ട്രംപ് നാമനിർദേശം ചെയ്ത ആറാമത് ഇന്ത്യൻ-അമേരിക്കൻ അഭിഭാഷകയാണ് ഷിറീൻ മാത്യൂസ്.
ഇത് ചരിത്രപരമായ നാമനിർദേശമാണെന്ന് സൗത്ത് ഏഷ്യാ ബാർ അസോസിയേഷൻ അധ്യക്ഷൻ അനീഷ് പറഞ്ഞു. ഷിറീൻെറ നിയമനം സെനറ്റ് ഉടൻതന്നെ അംഗീകരിക്കണമെന്നും അദ്ദേഹം ആവശ്യപ്പെട്ടു.
വടക്കെ അമേരിക്കയിൽ സൗത്ത് ഏഷ്യാ ബാർ അസോസിയേഷനിലും ഷിറീൻ മാത്യൂസ് ജോലി ചെയ്തിരുന്നു. പ്രോസിക്യൂട്ടർ ആയിരുന്ന സമയത്ത് കളവ് പോയ മെഡിക്കൽ ഉപകരണങ്ങളെ കുറിച്ചും ദശലക്ഷക്കണക്കിന് േഡാളറിൻെറ തട്ടിപ്പും ഷിറീൻ പുറത്തുകൊണ്ടു വന്നിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.