മുഖച്ഛായ മാറ്റുന്ന ഇടപെടലുകളുമായി പൊതുമരാമത്ത്​ വകുപ്പ്

സംസ്ഥാനത്തിന്‍റെ മു​ഖച്ഛാ​യ ത​ന്നെ മാ​റ്റി​മ​റി​ക്കു​ന്ന ഇ​​ട​പെ​ട​ലു​ക​ളാ​ണ്​ പൊ​തു​മ​രാ​മ​ത്ത്, ടൂ​റി​സം വ​കു​പ്പു​ക​ളു​ടെ നേ​തൃ​ത്വ​ത്തി​ൽ ന​ട​ന്ന​ത്. ഇ​ഴ​ഞ്ഞു​നീ​ങ്ങി​യി​രു​ന്ന നി​ര​വ​ധി പ​ദ്ധ​തി​ക​ൾ പു​ന​രു​ജ്ജീ​വി​പ്പി​ക്കുകയും വി​ക​സ​ന​ത്തി​ന്​ തി​ല​ക​ക്കു​റി​യാ​കു​ന്ന അ​ന​വ​ധി പ​ദ്ധ​തി​ക​ൾ​ക്ക്​ തു​ട​ക്ക​മി​ടു​ക​യും ചെ​യ്തു. കു​തി​രാ​ന്‍ ട​ണ​ല്‍ പ്ര​വൃ​ത്തി പൂ​ര്‍ത്തി​യാ​ക്കാ​ന്‍ ഈ ​സ​ർ​ക്കാ​റി​ന് സാ​ധി​ച്ചു. മൂ​ന്നാ​ര്‍-ബോ​ഡി​മെ​ട്ട്, നാ​ട്ടു​കാ​ല്‍-​താ​ണാ​വ് ദേ​ശീ​യ​പാ​ത​ക​ളു​ടെ പ്ര​വൃ​ത്തി സം​സ്ഥാ​ന പൊ​തു​മ​രാ​മ​ത്ത് വ​കു​പ്പി​ന്റെ ദേ​ശീ​യ​പാ​ത വി​ഭാ​ഗ​ത്തി​നു​കീ​ഴി​ല്‍ പൂ​ര്‍ത്തി​യാ​ക്കി. താ​മ​ര​ശ്ശേ​രി ചു​രം റോ​ഡി​ലെ മൂ​ന്ന് ഹെ​യ​ര്‍പി​ന്‍ വ​ള​വു​ക​ള്‍കൂ​ടി വീ​തി​കൂ​ട്ടി നി​വ​ര്‍‌​ത്തു​ന്ന ന​ട​പ​ടി​ക​ൾ പൂ​ര്‍ത്തി​യാ​ക്കി വ​രു​ക​യാ​ണ്.

തി​രു​വ​ന​ന്ത​പു​രം ഔ​ട്ട​ര്‍ റിങ് റോ​ഡ്, എ​റ​ണാ​കു​ളം ബൈ​പാ​സ്, കൊ​ല്ലം- ചെ​ങ്കോ​ട്ട ഗ്രീ​ന്‍ ഫീ​ല്‍ഡ് എ​ന്നീ പാ​ത​ക​ളു​ടെ നി​ര്‍മാ​ണ​ത്തി​നാ​യി 2,370.59 കോ​ടി രൂ​പ​യു​ടെ സാ​മ്പ​ത്തി​ക ബാ​ധ്യ​ത കേ​ര​ളം വ​ഹി​ക്കാ​ന്‍ തീ​രു​മാ​നി​ച്ചി​ട്ടു​ണ്ട്.​ അ​തോ​ടൊ​പ്പം ദേ​ശീ​യ​പാ​ത അ​തോ​റി​റ്റി​യു​ടെ നേ​തൃ​ത്വ​ത്തി​ല്‍ ഭാ​വി​യി​ല്‍ ന​ട​ക്കാ​ന്‍ പോ​കു​ന്ന എ​ല്ലാ പ​ദ്ധ​തി​ക​ള്‍ക്കും സം​സ്ഥാ​ന സ​ര്‍ക്കാ​റി​ന്റെ പ​ങ്കാ​ളി​ത്തം ഉ​റ​പ്പാ​ക്കും. ന​ട​ക്കി​ല്ലെ​ന്ന് ഉ​റ​പ്പി​ച്ച പ​ദ്ധ​തി​യാ​യി​രു​ന്നു മ​ല​യോ​ര ഹൈ​വേ. ഈ ​സ്വ​പ്നം ഇ​ന്ന് യാ​ഥാ​ർഥ്യ​മാ​വു​ക​യാ​ണ്. സ​ര്‍ക്കാ​റി​ന്റെ ഇച്ഛാ​ശ​ക്തി​കൊ​ണ്ടാ​ണ് ഇ​തി​ന്റെ നി​ർ​മാ​ണം സാ​ധ്യ​മാ​യ​ത്.

സം​സ്ഥാ​ന സ​ര്‍ക്കാ​ര്‍ കി​ഫ്ബി പ​ദ്ധ​തി​യി​ല്‍ ഉ​ള്‍പ്പെ​ടു​ത്തി നി​ർമി​ക്കു​ന്ന ആ​ന​ക്കാം​പൊ​യി​ല്‍-​ക​ള്ളാ​ടി-​മേ​പ്പാ​ടി തു​ര​ങ്ക​പാ​ത​യു​ടെ പ്ര​വ​ര്‍ത്ത​ന​ങ്ങ​ള്‍ ന​ട​ന്നു​കൊ​ണ്ടി​രി​ക്കു​ക​യാ​ണ്. കേ​ര​ള​ത്തി​ന്റെ കാ​ര്‍ഷി​ക മേ​ഖ​ല​യി​ലും വ്യാ​പാ​ര മേ​ഖ​ല​യി​ലും ടൂ​റി​സം മേ​ഖ​ല​യി​ലും വ​ലി​യ കു​തി​ച്ചു​ചാ​ട്ട​മു​ണ്ടാ​ക്കാ​ന്‍ പോ​കു​ന്ന ഈ ​പ​ദ്ധ​തി​ക്കാ​യി 2043.7 കോ​ടി രൂ​പ​യാ​ണ് സം​സ്ഥാ​നം അ​നു​വ​ദി​ച്ചി​രി​ക്കു​ന്ന​ത്. അ​ഴീ​ക്കോ​ട്-മു​ന​മ്പം പാ​ല​ത്തി​ന്റെ നി​ർ​മാ​ണം പു​രോ​ഗ​മി​ക്കു​ന്നു. തീ​ര​ദേ​ശ​ത്തി​ന്റെ സ​മ​ഗ്ര​വി​ക​സ​ന​ത്തി​ലേ​ക്കാ​ണ് ഈ ​പാ​ത ന​യി​ക്കു​ന്ന​ത്. ഒ​രു സ​ര്‍ക്കാ​റി​ന്റെ കാ​ല​ത്ത് ഏ​റ്റ​വും കൂ​ടു​ത​ല്‍ റെ​യി​ല്‍വേ മേ​ൽപാ​ല​ങ്ങ​ള്‍ പൂ​ര്‍ത്തി​യാ​ക്കു​ക എ​ന്ന റെ​ക്കോ​ഡ് ഈ ​സ​ര്‍ക്കാ​റി​നാ​ണ് എ​ന്ന​ത് പ​ശ്ചാ​ത്ത​ല​ വി​ക​സ​ന മേ​ഖ​ല​യു​ടെ മു​ന്നേ​റ്റ​ത്തി​ന്റെ ഉ​ദാ​ഹ​ര​ണ​മാ​ണ്. എ​ട്ട് റെ​യി​ല്‍വേ മേ​ല്‍പ്പാ​ല​ങ്ങ​ള്‍ ഇ​തി​ന​കം തുറന്നുകഴിഞ്ഞു. ഏഴെണ്ണത്തിന്‍റെ നിർമാണം അന്തിമഘട്ടത്തിലും.

കേരള ടൂറിസം

ടൂറിസം സൗകര്യങ്ങൾ മെച്ചപ്പെടുത്തുന്ന വിനോദസഞ്ചാര വകുപ്പിന്‍റെ ഇടപെടലുകൾ അന്തർദേശീയ സമൂഹത്തിന്‍റെ ശ്രദ്ധയാകർഷിക്കാൻ കഴിഞ്ഞു. ലോകം കേരള ടൂറിസത്തെ ശ്രദ്ധിക്കുകയും സുസ്ഥിര വികസനത്തിന്റെ മാതൃകകള്‍ കേരളം സൃഷ്ടിക്കുകയും ചെയ്ത കാലമാണിത്. കോവിഡിനുശേഷം കേരളത്തിലെ ടൂറിസം മേഖല കുതിച്ചുചാട്ടത്തിന്റെ പാതയിലാണ്. സഞ്ചാരികളുടെ വരവില്‍ സർവകാല റെക്കോഡാണ് കേരളത്തിലുണ്ടായത്. 2024ലെ കണക്കനുസരിച്ച് 2,22,46,989 ആഭ്യന്തര സഞ്ചാരികളാണ് കേരളത്തിലെ വിവിധ ടൂറിസം കേന്ദ്രങ്ങളില്‍ എത്തിയത്.

കഴിഞ്ഞ വര്‍ഷത്തെ അപേക്ഷിച്ച് 1.72 ശതമാനത്തിന്റെ വര്‍ധനയാണിത്. കോവിഡിനു മുമ്പുള്ള കാലത്തെ അപേക്ഷിച്ച് 21.01 ശതമാനത്തിന്റെ വര്‍ധനയാണുണ്ടായിട്ടുള്ളത്. 2024ല്‍ 45,053 കോടി രൂപയാണ് ടൂറിസം മേഖലയിലെ വരുമാനം. നൂതനമായ പദ്ധതികളിലൂടെയും പുത്തന്‍ ഉൽപന്നങ്ങളിലൂടെയുമാണ് കേരളം ഈ മുന്നേറ്റം സാധ്യമാക്കിയത്. കാരവന്‍ ടൂറിസം, ഹെലി ടൂറിസം, ക്രൂസ് ടൂറിസം എന്നീ പദ്ധതികള്‍ കൂടുതല്‍ സഞ്ചാരികളെ ആകര്‍ഷിക്കാന്‍ സഹായകമായി എന്നാണ്​ വിലയിരുത്തൽ. സീപ്ലെയിനിന്റെ പരീക്ഷണ പറക്കല്‍ വിജയമായതിനാല്‍ അണക്കെട്ടുകള്‍ കേന്ദ്രീകരിച്ച് ഈ പദ്ധതി നടപ്പാക്കാനുള്ള നടപടികളും സ്വീകരിച്ചുവരുകയാണ്.