കെ.എസ്​.ആർ.ടി.സി ബജറ്റ്​ ടൂറിസം; ഇരുനൂറിന്‍റെ നിറവിൽ മൂന്നാറിലേക്ക്

തൊ​ടു​പു​ഴ: സം​സ്ഥാ​ന​ത്തി​ന്‍റെ വി​നോ​ദ സ​ഞ്ചാ​ര ഭൂ​പ​ട​ത്തി​ലേ​ക്ക്​ ഡ​ബി​ൾ ബെ​ൽ അ​ടി​ച്ച്​ യാ​ത്ര തു​ട​ങ്ങി​യ കെ.​എ​സ്.​ആ​ർ.​ടി.​സി ബ​ജ​റ്റ്​ ടൂ​റി​സം ഏ​റ്റ​വും ഹി​റ്റാ​യ ഡി​​പ്പോ​ക​ളി​ൽ ഒ​ന്ന്​ തൊ​ടു​പു​ഴ​യാ​ണ്. ആ​ദ്യ യാ​ത്ര തു​ട​ങ്ങി മൂ​ന്ന്​​ വ​ർ​ഷം തി​ക​യു​മ്പോ​ഴേ​ക്കും കെ.​എ​സ്.​ആ​ർ.​ടി.​സി തൊ​ടു​പു​ഴ ബ​ജ​റ്റ്​ ടൂ​റി​സം സെ​ൽ 200ാം യാ​ത്ര​ക്കൊ​രു​ങ്ങു​ക​യാ​ണ്. സം​സ്ഥാ​ന​ത്തെ ത​ന്നെ ഏ​റ്റ​വും മി​ക​ച്ച ടൂ​റി​സം കേ​ന്ദ്ര​വും ജി​ല്ല​യു​ടെ അ​ഭി​മാ​ന​വു​മാ​യ മൂ​ന്നാ​റി​ലേ​ക്ക്​ മാ​ർ​ച്ച്​ എ​ട്ടി​നാ​ണ്​ 200ാം വി​നോ​ദ സ​ഞ്ചാ​ര യാ​ത്ര പു​റ​പ്പെ​ടു​ക. രാ​വി​ലെ ഏ​ഴി​ന്​ തൊ​ടു​പു​ഴ​യി​ൽ നി​ന്ന്​ പു​റ​പ്പെ​ടും. 480 രൂ​പ​യാ​ണ്​ ഒ​രാ​ൾ​ക്ക്​ നി​ര​ക്ക്. ബു​ക്കി​ങി​ന്​ 83048 89896, 9744910383, 96051 92092 ന​മ്പ​റു​ക​ളി​ൽ ബ​ന്ധ​പ്പെ​ടാം.

തു​ട​ക്കം വാ​ഗ​മ​ൺ; 200ാം ആ​ഘോ​ഷം ഹൈ​ഡ​ൽ പാ​ർ​ക്കി​ൽ

2022 ജൂ​​ലൈ 17നാ​ണ്​ കെ.​എ​സ്.​ആ​ർ.​ടി.​സി തൊ​ടു​പു​ഴ ബ​ജ​റ്റ്​ ടൂ​റി​സം സെ​ൽ ആ​ദ്യ യാ​ത്ര ന​ട​ത്തി​യ​ത്. നാ​ടു​​കാ​ണി വ​ഴി വാ​ഗ​മ​ണി​ലേ​ക്ക്​ തു​ട​ങ്ങി​യ ആ ​യാ​ത്ര​ക്ക്​ തി​രി​ഞ്ഞു​നോ​ക്കേ​ണ്ടി​വ​ന്നി​ല്ല. കെ.​എ​സ്.​ആ​ർ.​ടി.​സി​യെ സ്​​നേ​ഹി​ക്കു​ന്ന​വ​രും സ​ഞ്ചാ​രി​ക​ളും ഒ​ത്തു​ചേ​ർ​ന്ന​തോ​ടെ തൊ​ടു​പു​ഴ​യി​ൽ നി​ന്ന്​ വി​വി​ധ നാ​ടു​ക​ളി​ലേ​ക്ക്​ കാ​ഴ്ച​ക​ളും തേ​ടി കെ.​എ​സ്.​ആ​ർ.​ടി.​സി​യു​ടെ ച​ക്ര​ങ്ങ​ൾ നീ​ണ്ടു. ഇ​തി​നി​ടെ നൂ​റാ​മ​ത്​ യാ​​​ത്ര​യും ആ​​ഘോ​ഷി​ച്ചു. മു​റ്റ​ത്തെ മു​ല്ല​യെ​ത്തേ​ടി എ​ന്ന പേ​രി​ൽ ഇ​ല്ലി​ക്ക​ൽ ക​ല്ലി​ലേ​ക്കാ​യി​രു​ന്നു നൂ​റാം യാ​​ത്ര. 200ാം യാ​ത്ര മൂ​ന്നാ​റി​ന്‍റെ മ​നോ​ഹാ​രി​ത ഒ​പ്പി​യെ​ടു​ത്താ​യി​രി​ക്കും ന​ട​ത്തു​ക. ഗ്യാ​പ്​ റോ​ഡ്​ വ​ഴി സ​ഞ്ച​രി​ച്ച്​ തി​രി​ച്ച്​ ഹൈ​ഡ​ൽ പാ​ർ​ക്കി​ലെ​ത്തും. ഹൈ​ഡ​ൽ പാ​ർ​ക്കി​ലാ​ണ്​ 200ാം യാ​ത്ര ആ​ഘോ​ഷം. രാ​ത്രി എ​ട്ടോ​ടെ തൊ​ടു​പു​ഴ​യി​ൽ മ​ട​ങ്ങി​യെ​ത്തും.

ഏ​റ്റ​വും ഹി​റ്റ്​ മ​ല​ക്ക​പ്പാ​റ

വെ​ള്ള​ച്ചാ​ട്ട​ങ്ങ​ളും കു​ന്നു​ക​ളും മ​ല​ക​ളും കാ​ടും എ​ല്ലാം തി​ങ്ങി​നി​റ​ഞ്ഞ ഇ​ടു​ക്കി​യു​ടെ ഭാ​ഗ​മാ​യ തൊ​ടു​പു​ഴ​യി​ൽ നി​ന്ന്​ ഏ​റ്റ​വും കൂ​ടു​ത​ൽ യാ​ത്ര​ക​ൾ ന​ട​ത്തി​യ​ത്​ മ​ല​ക്ക​പ്പാ​റ​യി​ലേ​ക്ക്. 30ല​ധി​കം പ്രാ​വ​ശ്യ​മാ​ണ്​ തൃ​ശൂ​ർ ജി​ല്ല​യി​ലെ അ​തി​ര​പ്പി​ള്ളി വെ​ള്ള​ച്ചാ​ട്ടം വ​ഴി മ​ല​ക്ക​പ്പാ​റ​യി​ലേ​ക്ക്​ കെ.​എ​സ്.​ആ​ർ.​ടി.​സി ബ​സ്​ സ​ഞ്ചാ​രി​ക​ളു​മാ​യി പോ​യ​ത്. വാ​ഗ​മ​ണും മൂ​ന്നാ​റും എ​റ​ണാ​കു​ള​വും എ​ല്ലാം പോ​യി​ട്ടു​ണ്ടെ​ങ്കി​ലും കൂ​ടു​ത​ൽ പേ​രും മ​ല​ക്ക​പ്പാ​റ ഇ​ഷ്​​ട​പ്പെ​ടു​ന്ന​വ​രാ​ണ്. 200ാം യാ​ത്ര​യു​ടെ ദി​വ​സ​മാ​യ ജ​നു​വ​രി എ​ട്ടി​ന്​ ത​​ന്നെ വ​നി​ത ദി​നാ​ഘോ​ഷ യാ​ത്ര​യും ന​ട​ത്തു​ന്നു​ണ്ട്. വ​നി​ത​ക​ൾ മാ​ത്ര​മാ​യി എ​റ​ണാ​കു​ളം വ​ണ്ട​ർ​ല​യി​ലേ​ക്ക്​ ന​ട​ത്തു​ന്ന യാ​​ത്ര​യി​ൽ ജീ​വ​ന​ക്കാ​രും സ്​​ത്രീ​ക​ളാ​യി​രി​ക്കും.

കൂ​ടു​ത​ലും സ്ഥി​രം സ​ഞ്ചാ​രി​ക​ൾ

റൂ​ട്ട്​ ബ​സു​ക​ളി​ൽ ന​മ്മ​ൾ സ്ഥി​രം യാ​ത്ര​ക്കാ​രെ കാ​ണാ​റു​ണ്ട്. കൃ​ത്യ​മാ​യി സ​മ​യ​ത്ത്​ നി​​ശ്​​ചി​ത സ്​​റ്റോ​പ്പി​ൽ അ​വ​ർ ഉ​ണ്ടാ​കും. ഇ​തേ​പോ​ലെ​യാ​ണ്​ തൊ​ടു​പു​ഴ ബ​ജ​റ്റ്​ ടൂ​റി​സം​ സെ​ല്ലി​ന്‍റെ യാ​ത്ര​ക​ളി​ലും. മി​ക്ക​വാ​റും യാ​ത്ര​ക​ളി​ലെ​ല്ലാം സ്ഥി​രം കു​റ​ച്ചു​പേ​ർ ഉ​ണ്ടാ​കു​മെ​ന്ന്​ ജീ​വ​ന​ക്കാ​ർ പ​റ​യു​ന്നു. മു​മ്പ്​ പോ​യ യാ​​ത്ര​ക​ളു​ടെ വാ​ട്​​സ്​​ആ​പ്​ ഗ്രൂ​പ്പു​ക​ളെ​ല്ലാം ഉ​ണ്ടാ​കും. ഈ ​​വാ​ട്​​സ്​ ആ​പ്​ ഗ്രൂ​പ്പു​ക​ൾ വ​ഴി​യാ​ണ്​ കൂ​ടു​ത​ൽ പേ​രും അ​ടു​ത്ത യാ​ത്ര​ക്ക്​ ഒ​രു​ങ്ങു​ന്ന​ത്. അ​പ​രി​ചി​ത​ർ​ക്ക്​ ഒ​പ്പം തു​ട​ങ്ങി എ​ല്ലാ​വ​രും അ​ടു​ത്ത സു​ഹൃ​ത്തു​ക്ക​ളാ​യ രീ​തി​യി​ലാ​ണ്​ ഇ​പ്പോ​ൾ യാ​ത്ര​​ക​ളെ​ന്ന്​ ടൂ​ർ കോ​ർ​ഡി​നേ​റ്റ​ർ​മാ​ർ ‘മാ​ധ്യ​മ’​ത്തോ​ട്​ പ​റ​ഞ്ഞു. പ​ല​ർ​ക്കും കെ.​എ​സ്.​ആ​ർ.​ടി.​സി​യോ​ടു​ള്ള മ​നോ​ഭാ​വം മാ​റ്റാ​നും ഈ ​യാ​ത്ര​ക​ളി​ലൂ​ടെ സാ​ധി​ച്ചു.

ജീ​വ​ന​ക്കാ​രെ കു​റി​ച്ച്​ മോ​ശ​മാ​യി ചി​ന്തി​ച്ചി​രു​ന്ന​വ​ർ യാ​ത്ര​ക​ൾ ക​ഴി​ഞ്ഞ​തോ​ടെ അ​ഭി​പ്രാ​യം മാ​റ്റു​ന്ന അ​വ​സ്ഥ​യു​മെ​ത്തി. ആ​റ്​ മാ​സം മു​മ്പ്​ യാ​​ത്ര ബു​ക്കി​ങി​ന്​ ക്യു.​ആ​ർ കോ​ഡും ഏ​ർ​പ്പെ​ടു​ത്തി. ഇ​തോ​ടെ ബ​സ്​ ഡി​പ്പോ​യി​ൽ എ​ത്തി ബു​ക്ക്​ ചെ​യ്യ​ണ​മെ​ന്ന ബു​ദ്ധി​മു​ട്ടും ഒ​ഴി​വാ​യി.

എ.​ടി.​ഒ എ​ൻ.​പി രാ​ജേ​ഷ്, ​ഇ​ൻ​സ്​​പെ​ക്​​ട​ർ കെ.​കെ. സ​ന്തോ​ഷ്, ജി​ല്ല കോ​ർ​ഡി​നേ​റ്റ​ർ എ​ൻ.​ആ​ർ. രാ​ജീ​വ്, സോ​ണ​ൽ കോ​ർ​ഡി​നേ​റ്റ​ർ അ​നീ​ഷ്, സൂ​പ്ര​ണ്ട്​ നി​ഷ ദി​ലീ​പ്, കോ​ർ​ഡി​നേ​റ്റ​ർ​മാ​രാ​യ സി​ജി ​ജോ​സ​ഫ്, അ​ജീ​ഷ്​ ആ​ർ. പി​ള്ള, എ​സ്. അ​ര​വി​ന്ദ്​ എ​ന്നി​വ​രാ​ണ്​ നേ​തൃ​ത്വം ന​ൽ​കു​ന്ന​ത്.