വി​മാ​ന​ത്തി​ലെ ഏ​റ്റ​വും സു​ര​ക്ഷി​ത​മാ​യ സീ​റ്റ് ഏ​ത്?

ഒ​രു വി​മാ​ന​ത്തി​ലെ ഏ​റ്റ​വും സു​ര​ക്ഷി​ത​മാ​യ സീ​റ്റ് ഏ​താ​ണ്? യാ​ഥാ​ർ​ഥ്യ​ത്തി​ൽ അ​ങ്ങ​നൊ​രു സീ​റ്റു​ണ്ടോ? ഇ​ല്ലെ​ന്നാ​ണ് വി​ദ​ഗ്ധ​രു​ടെ മ​റു​പ​ടി. ഈ​യി​ടെ ഉ​ണ്ടാ​യ അ​ഹ്മ​ദാ​ബാ​ദ് വി​മാ​ന ദു​ര​ന്ത​ത്തി​ൽ 241 യാ​ത്ര​ക്കാ​രാ​ണ് കൊ​ല്ല​പ്പെ​ട്ട​ത്. ര​ക്ഷ​പ്പെ​ട്ട​ത് ഒ​രാ​ൾ മാ​ത്ര​വും. വി​മാ​ന​ത്തി​ലെ എ​മ​ർ​ജ​ൻ​സി എ​ക്സി​റ്റ് ജാ​ല​ക​ത്തി​ന​ടു​ത്തു​ള്ള 11 A സീ​റ്റി​ലി​രു​ന്ന വി​ശ്വാ​സ് കു​മാ​ർ ആ​യി​രു​ന്നു അ​ത്. പ​റ​ന്നു​യ​ർ​ന്ന് നി​മി​ഷ​ങ്ങ​ൾ​ക്ക​കം ത​ക​ർ​ന്നു വീ​ണ് തീ​ഗോ​ള​മാ​യ വി​മാ​ന​ത്തി​ൽ നി​ന്നും പു​റ​ത്തേ​ക്ക് തെ​റി​ച്ച് വീ​ണ​താ​ണ് വി​ശ്വാ​സി​ന് തു​ണ​യാ​യ​ത്.

എ​ന്നാ​ൽ, 1998 ലെ ​താ​യ് എ​യ​ർ​വേ​യ്‌​സ് അ​പ​ക​ട​ത്തി​ൽ നി​ന്ന് ര​ക്ഷ​പ്പെ​ട്ട ന​ട​നും ഗാ​യ​ക​നു​മാ​യ റു​വാ​ങ്‌​സാ​ക് ലോ​യ്‌​ചു​സാ​ക്കി​നെ​ക്കു​റി​ച്ചു​ള്ള വാ​ർ​ത്ത​ക​ളും ഇ​തി​നോ​ട് ചേ​ർ​ന്ന് പ്ര​ച​രി​ക്കു​ക​യാ​ണ്. അ​തി​നു​ള്ള കാ​ര​ണം അ​വ​ർ ഇ​രു​ന്ന സീ​റ്റു​ക​ളാ​യി​രു​ന്നു.11A. ഇ​തോ​ടെ വി​മാ​ന​ത്തി​ലെ ഏ​റ്റ​വും സു​ര​ക്ഷി​ത​മാ​യ സീ​റ്റാ​ണ് 11A എ​ന്നാ​ണ് പ​ല​രും ചി​ന്ത.

എ​ന്നാ​ൽ വി​മാ​ന​ത്തി​ലെ ഒ​രു സീ​റ്റി​ന് മാ​ത്രം പ്ര​ത്യേ​ക സു​ര​ക്ഷ എ​ന്നൊ​ന്നി​ല്ല. ഇ​തൊ​ക്കെ വെ​റും മി​ഥ്യാ ധാ​ര​ണ​ക​ളാ​ണ്. ഇ​വി​ടെ ര​ക്ഷ​പ്പെ​ട്ട ര​ണ്ട് പേ​രു​ടെ​യും സീ​റ്റ് ന​മ്പ​ർ ഒ​ന്നാ​യ​ത് യാ​ദൃ​ശ്ചി​കം മാ​ത്രം.

അ​പ​ക​ട​ങ്ങ​ളി​ൽ യാ​ത്ര​ക്കാ​രു​ടെ സു​ര​ക്ഷ​യെ നി​ര​വ​ധി ഘ​ട​ക​ങ്ങ​ൾ സ്വാ​ധീ​നി​ക്കു​ന്നു​ണ്ട്. അ​തി​ൽ അ​പ​ക​ട​ത്തി​ന്‍റെ വ്യാ​പ്തി, ര​ക്ഷാ​മാ​ർ​ഗ​ങ്ങ​ളു​ടെ വേ​ഗ​ത്ത​ലു​ള്ള ല​ഭ്യ​ത, അ​പ​ക​ട​സ്ഥ​ലം (ക​ട​ൽ, ക​ര, പ​ർ​വ​ത​ങ്ങ​ൾ), യാ​ത്ര​ക്കാ​രു​ടെ​യും ജീ​വ​ന​ക്കാ​രു​ടെ​യും ഇ​ട​പെ​ട​ലു​ക​ൾ എ​ന്നി​വ ഉ​ൾ​പ്പെ​ടു​ന്നു. ഇ​വ​യ്ക്ക് പ്ര​വ​ച​നാ​തീ​ത​മാ​യ രീ​തി​യി​ൽ ഇ​ട​പെ​ടാ​ൻ ക​ഴി​യും. അ​തി​ന​പ്പു​റം ഒ​രു സീ​റ്റി​ന് നി​ങ്ങ​ലെ സു​ര​ക്ഷി​ത​മാ​ക്കാ​ൻ ക​ഴി​യും എ​ന്ന് ചി​ന്തി​ക്കു​ന്ന​ത് യു​ക്തി​യ​ല്ല.

വി​മാ​ന​യാ​ത്ര​യ്ക്കി​ടെ യാ​ത്ര​ക്കാ​ർ​ക്കും ചി​ല മു​ൻ​ക​രു​ത​ലു​ക​ൾ സ്വീ​ക​രി​ക്കാ​ൻ ക​ഴി​യും. ഏ​റ്റ​വും അ​ടു​ത്തു​ള്ള എ​ക്സി​റ്റു​ക​ൾ തി​രി​ച്ച​റി​യു​ക, സീ​റ്റ് ബെ​ൽ​റ്റു​ക​ളും ലൈ​ഫ് ജാ​ക്ക​റ്റു​ക​ളും എ​ളു​പ്പ​ത്തി​ൽ പ്ര​വ​ർ​ത്തി​പ്പി​ക്കാ​ൻ അ​റി​യു​ക, അ​ടി​യ​ന്ത​ര സാ​ഹ​ച​ര്യ​ങ്ങ​ളി​ൽ വേ​ഗ​ത്തി​ലും ശാ​ന്ത​മാ​യും പ്ര​തി​ക​രി​ക്കു​ക തു​ട​ങ്ങി​യ പ്രാ​യോ​ഗി​ക ന​ട​പ​ടി​ക​ളും ഇ​തി​ൽ ഉ​ൾ​പ്പെ​ടു​ന്നു. “കൂ​ടാ​തെ, വി​വേ​ക പൂ​ർ​ണ്ണ​മാ​യ രീ​തി​യി​ൽ വ​സ്ത്ര​ങ്ങ​ളും ഷൂ​സും ധ​രി​ക്കു​ന്ന​തും അ​ടി​യ​ന്ത​ര ഘ​ട്ട​ങ്ങ​ളി​ൽ പെ​ട്ടെ​ന്നു​ള്ള ച​ല​ന​ത്തി​ന് ഉ​പ​ക​രി​ക്കും.