Posted On
date_range Updated On
date_range നുഴഞ്ഞുകയറ്റ നിരീക്ഷണം: റിസാറ്റ്-2ബി ഉപഗ്രഹ വിക്ഷേപണം മെയ് 22ന്
ന്യൂഡൽഹി: റഡാർ ഇമേജിങ് എർത്ത് ഒബ്സർവേഷൻ സാറ്റലെറ്റി (റിസാറ്റ്-2ബി)ന്‍റെ വിക്ഷേപണം മെയ് 22ന്. ശ്രീഹരിക്കോട്ടയിലെ സതീഷ് ധവാൻ ബഹിരാകാശ കേന്ദ്രത്തിലെ ഒന്നാം വിക്ഷേപണ തറയിൽ നിന്നും രാവിലെ 5.27നാണ് ഉപഗ്രഹം വിക്ഷേപിക്കുക.
അതിർത്തിയിലെ നുഴഞ്ഞുകയറ്റം നിരീക്ഷിക്കാനായി രൂപം കൊടുത്ത റിസാറ്റ് പതിപ്പുകളിൽ ഏറ്റവും പുതിയതാണ് ഐ.എസ്.ആർ.ഒ വിക്ഷേപിക്കുന്ന റിസാറ്റ്-2ബി. 555 കിലോമീറ്റർ അകലെ 37 ഡിഗ്രിയിലുള്ള ഭ്രമണപഥത്തിൽ പി.എസ്.എൽ.വി-സി46 റോക്കറ്റാണ് റിസാറ്റ്-2ബിയെ എത്തിക്കുക.
പി.എസ്.എൽ.വി റോക്കറ്റ് ഉപയോഗിച്ചുള്ള 48മത് വിക്ഷേപണമാണിത്. കൂടാതെ, സതീഷ് ധവാൻ ബഹിരാകാശ കേന്ദ്രത്തിൽ നിന്നുള്ള 72മത്തെയും ഒന്നാം വിക്ഷേപണ തറയിൽ നിന്നുള്ള 36മത് വിക്ഷേപണം കൂടിയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.