ന്യൂഡൽഹി: ഇന്നലെ ഇന്ത്യൻ ഫുട്ബാൾ നായകൻ സുനിൽ ഛേത്രി തനിക്ക് ലഭിച്ച രസകരമായ ഒരു ഫേസ്ബുക്ക് സന്ദേശം ട്വിറ്ററിൽ പങ്കുവെച്ചിരുന്നു. ഛേത്രിയുടെ നെറ്റ്ഫ്ലിക്സ് പാസ് വേർഡ് ആവശ്യപ്പെടുന്ന ആരാധകെൻറ സന്ദേശമായിരുന്നു അത്. ലോക്ഡൗണിൽ വലഞ്ഞ ആരാധകനാണ് ഛേത്രിയോട് വിചിത്ര ആവശ്യമുന്നയിച്ചത്. 'സഹോദരാ ഛേത്രി.. നിങ്ങളുടെ നെറ്റ്ഫ്ലിക്സ് അക്കൗണ്ടിെൻറ യൂസർ നെയിമും പാസ്വേർഡും എനിക്ക് തരുമോ..? ലോക്ഡൗൺ കഴിഞ്ഞാൽ പാസ്വേർഡ് മാറ്റിക്കോളൂ...' ഇങ്ങനെയായിരുന്നു സന്ദേശം.
ട്വിറ്ററിൽ ചിരിപടർത്തിയ സന്ദേശം ഛേത്രി ഒരു തമാശക്ക് പങ്കുവെച്ചതായിരുന്നുവെങ്കിലും കാര്യങ്ങൾ ഇപ്പോൾ കൈവിട്ട് പോയി. ഒ.ടി.ടി പ്ലാറ്റ്ഫോമായ സാക്ഷാൽ നെറ്റ്ഫ്ലിക്സും ഛേത്രിയോട് ഒരു ആവശ്യവുമായി എത്തിയിരിക്കുകയാണ്. താരത്തിെൻറ ചിത്രത്തിൽ ഒരു ഒാട്ടോഗ്രാഫ് ഒപ്പിട്ട് നൽകുമോ എന്നായിരുന്നു നെറ്റ്ഫ്ലിക്സ് ചോദിച്ചത്.
എന്നാൽ നെറ്റ്ഫ്ലിക്സിന് ഒരു ബാർട്ടർ ഡീലാണ് ഛേത്രി മുന്നോട്ട് വെച്ചത്. രണ്ട് മാസത്തെ നെറ്റ്ഫ്ലിക്സ് സബ്സ്ക്രിപ്ഷൻ തെൻറ ആരാധകന് നൽകുകയാണെങ്കിൽ ഒപ്പ് വച്ച ഒരു ഷർട്ടും ചിത്രവും തരാമെന്ന് താരം പറഞ്ഞു.
In the true spirit of a barter, how about you guys hand the kid a two-month subscription and I'll send a signed shirt and a picture your way? Do we have a deal? https://t.co/Ub0WaMcutg
— Sunil Chhetri (@chetrisunil11) May 3, 2020
വൈകാതെ നെറ്റ്ഫ്ലിക്സ് ഛേത്രിയുടെ ആരാധകനെ ഡബിൾ ഹാപ്പിയാക്കാനായി മറ്റൊരു സമ്മാനം കൂടി പ്രഖ്യാപിച്ചു. രണ്ട് മാസത്തെ നെറ്റ്ഫ്ലിക്സ് സബ്സ്ക്രിപ്ഷനൊപ്പം ഛേത്രിയുടെ ഒപ്പിട്ട ടീ ഷർട്ടും നൽകുമെന്നായിരുന്നു ഒാഫർ. എന്തായാലും ആരാധകൻ ഹാപ്പിയായി. നെറ്റ്ഫ്ലിക്സിനും ഒരു ഒപ്പുവെച്ച ഷർട്ട് ഛേത്രി നൽകുമെന്ന് അറിയിച്ചിട്ടുണ്ട്.
Sounds great guys, now that we've got this figured out
— Sunil Chhetri (@chetrisunil11) May 3, 2020
Subscription for the kid
Shirt for the kid
Shirt for you guys #LoopClosed https://t.co/ph5ZyBSILn
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.