ശ്രീലങ്കയുടെ സ്പിൻ മാന്ത്രികൻ മുത്തയ്യ മുരളീധരൻെറ ജീവിതം സിനിമയാകുന്നു. തമിഴിൽ ഒരുങ്ങുന്ന ചിത്രത്തിൽ മുൻനി ര താരം വിജയ് സേതുപതിയാണ് മുരളീധരനെ അവതരിപ്പിക്കുകയെന്നാണ് സൂചന. പുറത്തുവരുന്ന വാർത്തകൾ പ്രകാരം ചിത്രത്ത ിൻെറ പ്രി-പ്രൊഡക്ഷൻ ജോലികൾ പുരോഗമിക്കുകയാണ്.
800 എന്നാണ് മുരളീധരൻെറ ജീവിതം പറയുന്ന ചിത്രത്തിന് പേരിട്ടിരിക്കുന്നത്. ടെസ്റ്റ് ക്രിക്കറ്റിലേയും, ഏകദിന ക്രിക്കറ്റിലേയും ഏറ്റവുമുയർന്ന വിക്കറ്റ് വേട്ടക്കാരനായ മുരളീധരൻെറ ടെസ്റ്റിലെ 800 വിക്കറ്റ് നേട്ടത്തെ അടിസ്ഥാനമാക്കിയാണ് പേര് നൽകിയത്.
ടെസ്റ്റിൽ 800 ഉം, ഏകദിനത്തിൽ 534 വിക്കറ്റുകളുമാണ് അദ്ദേഹം വീഴ്ത്തിയത്. വിഖ്യാതരായ പല ബാറ്റ്സ്മാൻമാരെയും വെള്ളം കുടിപ്പിച്ച മുരളീധരന് സ്വന്തം രാജ്യമായ ശ്രീലങ്കക്ക് പുറത്തും ലക്ഷക്കണക്കിന് ആരാധകരാണുള്ളത്.
ചിത്രത്തിൽ യോഗി ബാബു, മുരളീധരൻെറ അടുത്ത സുഹൃത്തായിരുന്ന റസൽ അർനോൾഡിനെ അവതരിപ്പിക്കുമെന്നും റിപ്പോർട്ടുകളുണ്ട്. ചിത്രത്തിൻെറ അണിയറപ്രവർത്തകരെ കുറിച്ചുള്ള കൂടുതൽ വിവരങ്ങൾ വരും ദിവസങ്ങളിൽ പുറത്തുവരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.